简淑儿练出六嚿腹肌　日食一苹果兼戒淀粉质：夜晚直情唔食

无线压轴剧《大帅哥》，除了三位姨太太蔡思贝、杨秀惠和谭凯琪够晒抢镜之外，当中饰演村长女儿裘娸娸的简淑儿也甚为讨好。其实简淑儿（Jessica）自2012年开始担任TVB娱乐新闻台主播时，就已吸纳不少粉丝。当时初出道的简淑儿还是23岁，带一点Baby Fat再加上，楚楚可怜的眼神，真的迷死不少男性动物。不过现时已经出道6年的她，不单演技成熟了不少，连身型也起了变化，操肌练出六旧腹肌。

日前（12月30日）简淑儿（Jessica）在IG上与粉丝分享了自己健身“特训”的成果，窈窕而有肌肉的身型下，还露出一排六旧腹肌，想不到柔弱的外表下，藏著一副健美的身型。简淑儿（Jessica）接受《香港01》访问时表示，自己是在半年前开始做Gym健身。简淑儿：“其实当初只系想有腹肌，之前教练见我少少成果，所以就帮我影咗张相。不过做Gym𠮶时冇化妆，所以唯有遮住块脸，哈哈哈。”

“为食”简淑儿减肥“戒”食饭

简淑儿表示，这次练成六旧腹肌亦算是自己的一个小成就。她说：“我原先Fat Pencentage（体脂肪率）都唔系好高嘅（17-18％），而家大概14-15%。不过因为我条腰短，变咗好多脂肪都积咗喺条腰度，睇落会肥，所以减嘅时候都会比较难减。做Gym𠮶时，我听教练讲减肥大部份都系要靠饮食，但系我又好‘为食’，戒口又戒唔晒，哈哈。不过我而家真系食少咗淀粉质，零食同雪糕真系食少咗。下午都只系食半碗，夜晚就直情唔食啰。不过我唔食饭就唔得嘅，所以点我都要扒两啖，哈哈。”

简淑儿其实系“饭”桶

说到食饭的话题，其实简淑儿已是朋友圈中有名的“饭”桶，并不是说她“做嘢成旧饭咁”，而是因其钟爱米饭的程度。简淑儿：“我记得以前拍剧𠮶时，导演仲会笑我成日食肉饼饭，我以前仲可以食晒成碟碟头饭。不过本身个人实在太为食，好多嘢都跟唔足，但系自己都会留意啲。譬如打边炉而家就会唔较𠮶啲酱，出街食饭嘅话就会食少啲饭，浓味嘅嘢又会食少啲，不过每一个星期都会畀自己放纵下。”

其实所以嘢食都戒晒嘅话系会唔开心㗎，当个人都唔开心嘅时候，唔会Keep住有动力去做。

减肥健身的过种中，简淑儿还养成了一个小习惯。简淑儿：“我会一日食一个苹果。可能女仔少做运动，所以变咗肠胃会冇咁好。我觉得肠胃唔好都会影响身型，一日食一个苹果之后系有帮助嘅。同埋饮多啲水啰，有时半夜肚饿、好想食宵夜嘅时候，就会狂饮水，饮饱佢，哈哈。呢个都Work巳嘅！因为我听人讲，一日食足三餐嘅话就已经足够一个人要吸收嘅营养。半夜肚饿，其实只不过系身体想吸收糖分，所以唔食都唔会影响身体健康，反而食咗仲会易有痴肥。”

可能我个目标唔系减肥，而系增肌。我觉得如果女仔太瘦嘅时候会冇乜线条，有返啲肌肉先靓。

如果万一食多了怎么办？简淑儿说：“我教练都话叫我唔使太刻意去节食，如果食得太多运动多啲，减返佢。我而家尽量都一个星期去三日Gym Room，一次两个钟左右。头一个钟做重量训练，第二个钟就跑步、Sit-Up𠮶啲。同埋我试过自己去做Gym系完全减唔到，有个教练喺度先可以推动到你去做。”