简淑儿日本度假浸温泉晒玉背　大骚健康性感美

“宅男女神”简淑儿（Jessica）最近去咗日本度假，连日嚟喺IG上载唔少好Chill嘅度假相。今日佢仲卖大包，upload咗佢浸温泉嘅相，大晒玉背，不过只系露少少，而且灯光昏暗，睇得唔清楚，但咁样反而更加健康，而且窗外有雪景同枯木，非常有意境。

Jessica今次去日本度假真系好Chill，滑雪之余仲去动物园睇企鹅。睇Jessica滑雪都有板有眼，不过可能太冻，加上滑雪时寒风扑面，佢唔只全身包到冚，成个头连块面都系包到只系露出鼻呼吸，佢仲话死都唔会除低个口罩添。可能因为放紧假，Jessica只系化超淡妆出门，只系画咗眉同好幼嘅眼线，见到佢冻到鼻哥都红埋，阴公猪。