【波士早晨】简淑儿第一部剧　演技连自己都惊：睇返都尴尬

《波士早晨》话咁快就去到结局篇，由简淑儿(Jessica)饰演的小秘书Hanna，自从得到太子爷Travis（张致恒饰）的欢心后，在公司开始站稳阵脚，感情线都慢慢浮面。Jessica表示自己都有睇返部剧，接受《香港01》访问时，被问到睇返当年嘅自己有甚么感觉，她即时十分大反应地说：“哗！真系倒抽一口凉气，首先讲个外表先，我发现𠮶阵我系劲肥，系无下巴㗎！两边面劲包，手手脚脚都系包。第二就系自己啲戏喇，好新！自己睇返都会尴尬，而家睇返就会谂点解𠮶阵唔咁做，其实𠮶阵拍完都已经有谂过。”无历练又点会进步呢？汲取经验就可以慢慢迈向成功。

翻查资料，原来这套剧是Jessica第一部拍摄的剧集，但睇落又唔似，演技尚算自然，她表示：“呢套系我第一次拍戏，仲早过爱回家，所以𠮶阵监制嚟揾我真系好开心，好似中奖咁。𠮶阵我做紧主持渣嘛，突然间监制就揾我，仲要系重要角色，监制嘅谂法就系想揾个全新嘅人去做呢个角色，因为每个演员都只有一次系拍第一部剧，佢就系想要呢种感觉，所以就好大胆咁揾咗我。”现在的Jessica愈来愈多演出机会，除了就快播出的《大帅哥》，还有拍摄中的《好日子》，希望佢几年后睇返唔会再尴尬喇！