【早霸王】男听众求忽然被分手真相　森美：真系唔使恨

又到星期五嘅《早霸王》“你知道唔知道有人挂住你”，今次主角系做运输业嘅军迪，佢话啱啱被分手一个月。“佢话同我一齐好无安全感，所以分手，无安全感系因为我工作唔够稳定，好似无为未来打算。”军迪似乎唔多想信呢个分手理由，所以致电《早霸王》求一个真相。

军迪指自己虽然做运输，但向来有固定的客户，加上每月收入都有一半剩余，“我系属于今日揾几多使几多，但同佢一齐之后都有谂过再揾多啲钱，所以完全唔能够理解佢嘅说法。”森美听完之后，都认为军迪收入未必真系好多，但至少叫做有份稳定嘅收入，“会唔会系因为佢觉得你揾得唔够，令佢生活唔稳定呢？男仔会唔会同女仔讲你个样唔稳定，我哋不如分手，点解要将所有嘢都嫁祸去男仔身上？搞到个个男仔心态就系‘我要揾好多钱’，变相爱已经唔最重要，真系唔使恨架。”

军迪话同前度拍拖无耐，已经有同对方结婚打算，但未知是否因而造成了压力。“佢有话过结婚只系一张纸，无乜义意。”听到呢句，森美又有嘢发表：“如果你觉得无义意咪签左佢啰，最介意先会最唔肯签。”听落又真系好似有少少道理㖞。听到军迪都几有决心“求真相”，森美系帮佢打电话前，先做少少心理建筑“佢唔钟意，总有万七个原因。”指当一段爱情变淡时，人总会说出各式各样的借口。电话好快接通，而对方亦表示大概估到系咩原因，所以成为《早霸王》主角，就系森美准备接通军迪时，呢位前度就细细声讲咗一句“都系唔好”。可惜，双重电话已接通，未知系因为接收唔好，定系唔够胆，军迪一直都唔系好出声，最后当佢“喂”嘅同时，前度就话“我要做嘢”收咗线，军迪怕且永远都唔会得到真相。