【早霸王】男听众唔使表白就得手　森美： 点解要男仔追先馨香

话说今年5月有忠实女听众，提议追求者表白一定要经《早霸王》，男方虽然怕羞到极点，但都甘愿为女神豁出去，并成功打动对方。而喺今个星期嘅《早霸王》“你知道唔知道有人挂住你”环节，又有男听众收order做嘢！似乎表白一定要有《早霸王》，已成为坊间其中一个指标。

男听众阿辉同女友拍拖十年，自觉系时候踏入人生另一阶段，之但系点解迟迟未有行动呢？“佢要求过求婚100次，但真系无能为力 。”阿辉指当年“无问佢可唔可以做女朋友就喺埋一齐，但我怀疑女仔系好向往呢一方面。”森美听到之后，认为呢啲就系男女不平等，更问“点解要男仔追先馨香？”不过佢都好醒咁话自己愿意接受呢个不平等。
 

阿辉表示平日同女友一齐返工时，都有收听《早霸王》，记得女友曾表示十分欣赏于大气电波中表白的做法：“咁我前期做得唔好，都想做返比佢，不过佢应该唔会真系要求婚100次先得挂？”森美听到之后，就话：“你算执到啦，佢话定比你听。”并谓见过有男仔于大庭广众下求婚，结果女方因怕羞而拒绝，他更顺势提议电话接通后，负责帮阿辉数一百次“你嫁比我啦”。
 

电话接通后，女友Eva听到呢个求婚大计之后，笑住咁话：“仲有3分钟咋㖞。”似乎系担心男友于限时内，讲唔晒一百次“你嫁比我啦”，结果阿辉真系喺12点新闻报导前完成呢个创举，咁Eva系未say yes先?“呢个系未其中一次求婚 ”森美听到之后，几乎笑到失控，而阿辉就即时补一句“希望你接受呢个有诚意但未有戒子嘅求婚。”但Eva仍然系唔收货，并表示“我count住其中一次先”呢个101次求婚宣告失败。