【早霸王】木讷男听众收order求婚　森美：你往后日子好难挨

《早霸王》当中的“你知道唔知道有人挂住你”似乎已经成为表白/求婚工具之一，今期男主角自称为“地球人”，电话接通后，佢就话：“我同外星人在教会认识，佢一定要我打上嚟求婚”森美听到之后都十分好奇，呢位男主角系未多数都系接order一方，并笑言“你往后日子好难挨”，之但系，呢个世界就系咁架啦，一个愿打一个愿挨，地球人话：“如果佢开心我又唔介意”他之后解释“地球人”一名的意思，系因为自己太木讷，而女友则古灵精怪。

虽然地球人话自己好木讷，但原来之前女友生日时，佢特意上网学整女友最想食嘅芋圆：“我周围问人，仲比人话我做坏晒规距，我试整时都ok几好食，点知到佢生日时，冻咗硬晒，以为实比佢闹，点知佢又食晒，而且好开心好感动。”问到地球人对女友做过最疯癫的举动，佢就话应该都系今次打上电台，同埋表白：“那时以为佢好大机会拒绝，点知又承认一齐。”由于地球人不时提到自己真系好木讷，但又话自己都唔差，令森美都认唔住问佢同边位艺人近似， 估唔到呢位男听众竟然自比“彭于晏”，更指女友偏向“糖妹”feel。

电话接通后，女友Emily一听到森美小仪把声已经“oh my god”摆明知道将会发生的事，但最好笑当Emily听到森美以“彭于晏”形容男友时，佢即时爆笑表示“佢系阿叔黎㗎㖞，鸭寮街𠮶啲，一定唔系彭于晏啰。”呢个答案真系笑到森美小仪气咳，玩完一轮，终于到求婚一环，一如所料的闷：“虽然我好木讷，成日都激嬲，但真系好想同你一生一世。”电话另一边传来甜到漏的笑声同一句“好啦”。