【救妻同学会】陈婉衡首演黑帮哑女　“肢体语言同眼神都要学”

陈婉衡（Alycia)今晚（5/10）现身太古城出席首映礼活动。Alycia 伙拍胡美贻出发峇里岛拍摄旅游节目《3日2夜》，为了在节目中派福利，Alycia少不免出发前操下肌。“当接到会做呢个节目，真系劲开心又兴奋，我本身都好钟意阳光与海滩，虽然之前都去过峇里岛，但今之嘅行程我系未去过，我知道会有潜水，所以特登自行考咗个潜水牌方便拍摄，亦知道要著泳衣亮相，所以去之前做多咗运动，都有戒吓口，都希望影啲靓嘅泳衣照。”

Alycia拍摄完《3日2夜》后，紧接拍摄由胡鸿钧担正的新剧《救妻同学会》，在剧中饰演一名哑女黑帮份子。“虽然一句对白都冇，但我喺戏内要做手语，肢体语言眼神都要学，唔系咁简单，都好有挑战性，觉得几好玩，因为戏里面我系一个比较强嘅女仔，会著露腰嘅衫，所以导演想我条腰拍出嚟有线条，拍摄前我不能够食太多，一方面唔食得嘢，另一方面又唔讲得嘢，个口差啲口臭，有苦自己知。”