【三日两夜】陈婉衡突然激瘦十几磅：个人问题搞到好大压力

无线性感女神陈婉衡不时都会喺IG Post性感泳照为粉丝解解暑，未知系咪操得太劲，身形明显消瘦唔少，令唔少粉丝担心。陈婉衡接受《香港01》访问时，透过电话表示自己的确瘦咗十几磅。

原本身材已经好Fit的陈婉衡直认前阵子因为太忙而消瘦，佢称：“因为前几个月烦紧搬屋，同埋自己个人问题搞到好大压力，不知不觉就瘦咗十几磅。我都知咁样唔健康，因为连肌肉、各样都瘦晒，所以食返多啲蛋白质。”至于问到如何瘦到肋骨都现形但丰满上围不减，陈婉衡笑称：“都有瘦少少嘅，因为始终都系脂肪，但自己尽量做啲重量同局部的训练，针对特定部位塑型，咁其他地方结实咗，上面咪唔会细咗啰。”

陈婉衡亦透露自己将会在9月中伙拍小鲜肉伍富桥出发峇里岛拍摄旅游节目《3日2夜》，佢笑言：“伍富桥日日喺IG Post日日食鸡胸肉，又狂操肌，搞到我好大压力。佢咁大只，我喺隔离都唔想太难睇，唔想同佢相差太大。”陈婉衡又称将会参与由胡鸿钧担正的新剧《救妻同学会》：“早排试咗造型，今次嘅角色好多衫都要露腰，所以导演都有要求话希望见到马甲线，所以无论运动同饮食方面都严咗。