陈婉衡无惧“禁色令”　挑战同场日本女优：我冇收到特定通知

桃乃木香奈本今日（12月1日）就旋风式到访香港《人中之龙2》举办的游戏宣传活动，同场更有TVB的陈婉衡（Alycia）一同出席。不过陈婉衡一身银色低胸短裙似乎就有违无线的“禁色令”。

对于这件事的看法，她就解释道：“我之前都有收到个memo，其实我好尊重公司嘅policy（政策），因为个list讲嘅都好保护到公司嘅女artist（艺人）。不过我暂时就未收到特定通知要求衣著系点。（但系你今日衣著好性感㖞。）我觉得做艺人，著咩衫都系比较被动。就算系拍戏或者拍剧，好多时都要因应返个角色去著衫。同埋宜家冬天，我都唔会著得太性感。同埋我都觉得几好，可以令大家嘅focus（焦点）放返喺艺人拍嘅戏同埋演技上面。”

陈婉衡接受《香港01》访问时提到，自己最近正在为无线的新节目训练中。“下星期7号就会去马来西亚新山比赛，有个障碍赛要参加，宜家都喺度train紧。佢有少少类似军人训练，要浸哂个头落啲泥水，要爬泥吖，揹沙包个类，同行仲会有林泳淘，林师杰。（点解会参加个比赛?）𠮶时系公司安排我去参加呢个比赛，不过就仲未有节目名。”

虽然个越野比赛听落都好好睇，但是大家应该会比较有兴趣陈婉衡在《3日2夜》中的表现。陈婉衡：“如果个工作时间表就到嘅就应该大概１月份去。预计应该会去北海道，仲会滑埋雪添。（浸温泉呢）暂时未知有冇，因为今日先啱啱收到通知。”最近开播的《3日2夜》经删剪之后就变成了“减甜版”，睇嚟今次北海道拍摄都应该冇浸温泉环境啦。