【书展2018】朱千雪公开“至爱书单”三甲：买过无数本送畀朋友！
“香港书展2018”去到下周二（24/7）结束，相信不少读者已经去了趁趁热闹，还未有时间入场选购心头好？不要紧，书本并非只能够在书展买，就算书展结束大家都可以继续到各大书局扫书，只怕你不知道应该要睇边本书！而现正攻读法律博士的朱千雪（Tracy）是圈中有名的爱书之人，现在她便向大家分享自己的“书List”，等各位书友仔可以做做功课：“呢三本系我人生至爱，买过无数本送畀朋友，因为我觉得好有用！”咦，难道千雪BB便是因为睇完这几本书而成为女神？
《The Rules of Life》：对你生命有帮助！
千雪BB第一本推荐书的是英国作家Richard Templar在2005年出版的《The Rules of Life》，她指此书能够给读者一些有用的人生指引：“书本基本上都系作者觉得咁做对你生命有帮助嘅提议，例如你觉得好气馁、好灰心，就自己心里面数10声，咁会冇咁容易同你嘈交；或者系你同你伴侣嘈交，作者就会叫你做第一个道歉嘅人，咁先可以维系到个感情。”相信她与好姊妹岑杏贤主持big big channel节目《心理急救室》，为大家解决烦恼时，都有应用到书中提及过的方法。
John Gray名著：人人都要睇睇！
而第二本推介书是美国作家John Gray所写的《Men Are from Mars, Women Are from Venus》（《男人来自火星，女人来自金星》），千雪BB直言此书是“人人都要睇睇系列”的榜首：“因为男同女睇嘅嘢甚至遇到嘅问题永远都系唔同。本书列举一啲情形出嚟，再将男同女分开，好似有一对情侣嗌交，女仔就会‘不如我哋倾下啦’系咁摞个男仔去倾，但男仔会觉得咁好烦，佢哋会想冷静先，冷静完就自然会同女仔倾，而人同人嘅相处成日都有呢类矛盾出嚟，所以本书教到大家男女之间系点样沟通，等大家避免一啲无谓嘅磨擦。”她认为这本书是专为经常讲“我真系唔明男仔谂咩”或“我真系唔明女仔谂咩”的人而设。
Mitch Albom经典：点样活得更有意义
至于千雪BB第三本推介书便与上述两本书有所不同，是一本小说：“我觉得呢本系深奥少少，而呢本书就系《Tuesdays with Morrie》（《最后14堂星期二的课》），之前‘King Sir’钟景辉同陈国邦都演过呢本书嘅舞台剧版。”她坦言这本书对她对于得着极大，有着大量人生体会、态度以及心得：“其实佢系真人真事嚟，讲一个后生仔，即系作者，定时定候都探一个就嚟走嘅老人家，而个老人家每次都分享一啲智慧畀个后生仔，透过老人家讲返自己后生时系点成长，等个后生仔学习点样看透人生、点样活得有意义咁。”想不到她会觉得这本“中学生必读”是人生指南。其实，千雪BB并非只睇励志书，她坦言自己都好喜欢睇推理小说：“我系一系列一系列咁睇，我最近终于睇《福尔摩斯》系列，哈哈！”