【后生仔倾吓偈】冯盈盈自high讲人生意义　结果又系同性有关

最新一集《后生仔倾吓偈》以“人生的意义”为题，6号一开始就话其实每集都想探讨更多学术性问题，奈何只要有冯盈盈同麦明诗，就净系得性而无学术，冯盈盈听到之后就即话：“性都可以好学术性，只要够深又够入……”黄色底子改不了。
 

一班KOL的人生的意义大概都系活在当下、开心快乐，咁冯盈盈呢？佢就好认真咁话：“所有生物生存意义就系为咗繁殖同传宗接代，所以如果你唔生仔唔交配，真系无意义，浪费上天比你嘅生命。”呢番说话由性博士FYY讲出嚟，又真系好似好啱咁，6号听毕都好疑问咁：“所以人全身都系繁殖器官？”性博士FYY于是搬出物竞天的定律，指地球有一半生物的睪丸都在体内，“不过因为太热，所以啲精死晒，生唔到仔，最后就得返睪丸在体外的生物存活。所以当你见到啲人体结构都系帮到你生BB，每次小便时都见到，咁你仲要唔努力啲？你点可以浪费咗佢……”FYY更表示曾经都因为怕辛苦而唔打算生仔，之但系一谂可以令人类继续发展，就即时改变了想法。