【后生仔倾吓偈】冯盈盈成日做错事伤害男友　麦明诗：错在拍咀戏

最新一集《后生仔倾吓偈》以“身边总有个神婆”为主题，并揾来塔罗牌专家Sandy为FYY冯盈盈同麦明诗预测姻缘。向来都唔避讳谈及恋情嘅冯盈盈一嚟就已经系“会唔会同男友开花结果”，之不过，当佢见到自己抽出嘅三张牌分别系命运的嘲弄、能量同伤心欲绝时，真系差啲晕。

塔罗牌专家Sandy指“命运的嘲弄”正系冯盈盈对男友的状况，并解释：“大家都好似唔喺right timing之上”冯盈盈听完即时话好准，并指明天难得放假，可惜医生男友要on call。至于“能量”一牌，就系男友对冯盈盈的看法，塔罗牌专家Sandy医生男友无论有什么都想与冯盈盈分享，并且不追求回应，冯盈盈频频点头表示认同，亦透露与男友经常有倾唔完的话题。咁到底点解会出现“伤心欲绝”的将来呢？塔罗牌专家Sandy就指出“现阶段系唔得，原因系你成日都会做错事。”麦明诗听完就多口话冯盈盈最错就系拍剧同对手有咀戏，6号亦接著问:“呢啲其实会唔会嬲?”冯盈盈好直接咁话:“紧系嬲啦，嬲到阿妈都唔认得！”

塔罗牌专家Sandy之后又指出冯盈盈会不时做出伤害感情的事，例如系发脾气，结果又中晒！冯盈盈笑言自己日日都发脾气，并指系因为工作太累所致。“宝宝（男友）都好耐性咁陪我，第二日会好冷静咁同我倾返，又话我份工唔系打一两年就完，叫我快要啲适应……”对于呢次的占卜，冯盈盈真心表示好准，更提议收工后同塔罗牌专家Sandy食餐饭，似乎对于同医生男友的将来真系好担心。