【后生仔倾吓偈】余思霆踢爆同房FYY劲开放：你有无理过我感受？

冯盈盈 (Crystal) 言行一向好率真，原来她的作风都好Open，早前与她同届的华姐冠军余思霆，就上了她与麦明诗以及陆浩明主持嘅节目《后生仔倾吓偈》担任嘉宾，更大爆当年与Crystal一起去马来西亚参选国际中华小姐的秘闻，踢爆与她同房的Crystal大胆开放的一面。TVB Facebook专页日前就上载一条短片，片中思霆忆述当时Crystal于酒店房中，上演了惊吓又香艳的一幕。

思霆说：“我哋去到第3日，佢问我‘介唔介意我喺你面前除衫？’跟住我就‘嗯’，咁佢当时就有着Bra同底裤嘅，跟住佢就入去冲凉。去到第5日𠮶时，佢无啦啦喺我面前除晒衫，除埋Bta同底裤添㖞，哗。咁我谂佢系会背住我嘅，即系唔会拧转身，但唔系呀，佢真系拧转身，佢乜都无跟住周围走！”思霆讲的时候七情上面，个惊讶样出晒嚟，而Crystal就忍唔住大笑，全场的人亦都一齐爆笑。此时，思霆望住Crystal笑言：“我想讲‘你有想过我的感受吗’？”

其他人就话思霆当时应该除衫同Crystal battle，而故事的确系未完，思霆继续爆料说：“跟住第六日呢，我就算喇，我哋一齐冲凉。”估唔到思霆终于出招，众人听完即齐齐起哄，可以想像到呢一幕幕的画面有几咁令人喷血。成为大家焦点的Crystal就解释说：“咁话来西亚好热吖嘛。陆浩明即话：“酒店有冷气㖞！”麦明诗就笑指Crystal话：“佢好自然！”睇来Crystal真系好怕热。

畀多啲思霆同FYY嘅靓相大家睇啦！