【后生仔倾吓偈】冯盈盈熟知安全套价格　唔通系资深用家？

冯盈盈主持《后生仔倾吓偈》愈来愈有功架，最新一集以“共享文化”为题，一班后生仔除了分享用得最多嘅交通、住宿经验外，亦提出最期待出现的共享服务，当中包括衣物、首饰、电子游戏，至于冯盈盈呢，佢就分别写咗“shower、tissue、condom”，安全套到底点共享呢？身为“性博士”嘅冯盈盈就提出佢嘅理论。“我觉得呢个系一门生意，因为有时你plan好浪漫一夜，但又无喺身，咁真系好徬徨，而且每次买一盒成20个，会用唔晒。”讲到呢度，有后生仔亦表示安全套真系好贵，更认为如果可以有共享服服的话，可以试到不同牌子。

冯盈盈听完之后，就一副非常认同的口吻咁话：“我明白有时啲细盒装有3个，3个买单价60蚊好贵！讲抵就一定系买20个装，但如果买20个用唔晒又唔啱形号点算……”作为一个求学时期已经有过万用零用钱的女生，竟然会嫌安全套贵？！真系讲都无人信，与此同时，身为主持嘅六号就提出咗一个问题:“点解你比男人更熟悉?!”冯盈盈听完只能尴尬一笑。

逐格睇冯盈盈点讲安全套