【美女厨房】高海宁教做“美女厨神”诀要：最紧要煮得熟

《美女厨房》日前（4月21日）举行了美女学徒招募行动，现场除了有19位美少女准学徒之外，当然唔少得曾经是美女厨神的高海宁、邓佩仪以及2位《美女厨房》主持人阿Bob、萧正楠。高海宁、邓佩仪更即场为2位主持人“泡制”特饮。高海宁、邓佩仪制作饮品时显得有些手忙脚乱，完成之后就由2位主持试饮。味道如何？睇下阿Bob同阿萧个样就知啦。

高海宁接受《香港01》访问时说：“个show几好吖，好似真人show咁，又可以睇下啲女仔点学同煮嘢食。但系最紧要系咩呢，煮熟啲嘢就得啦。（你会唔会上去做嘉宾试食？）我就应该唔会，我会上去煮俾啲评判食。”上过《美女厨房》做嘉宾的高海宁，自言只是略懂煮食。“我识煮嘢食嘅，但系就唔会认叻啰。（识煮啲咩？）好多都识，中菜蒸条鱼、炒个菜、豉油鸡，西餐意粉都识OK。（好唔好食？）摆得入口嘅，唔好差得去边。”

高海宁更回忆起自己7，8年上《美女厨房》的情况。“之前我上过《美女厨房》要煮2道𩠌，仲要煮鲨鱼。我用鲨鱼煲咗鱼汤，尾个部份就整咗红烧鲨鱼，好食㗎。之前BigBigChannel《美女厨房》我仲煮过鳝。条鲨鱼仲要自己㓥㗎。”