【美女厨房】新一辑6月开播美女厨神有边位？　阿Bob：会邀请陈滢

《美女厨房》新一辑正式开锣！虽然今集没有方力申、梁汉文、郑中基担任主持。不过都有萧正楠、林盛斌（阿Bob）、张振朗3位做主持，日前（4月21日）萧正楠与阿Bob出席了商场内的记者发布会兼“美女学徒”的厨艺比试。一班“美女学徒”出场上台时，萧正楠与阿Bob又分别帮她们安上花名，1号的Elsie就问她是不是由旺角来的（暗示她MK味浓），尽显了“抵死鬼马少少贱格”的风格。

萧正楠、阿Bob接受《香港01》访问时说：“阿Bob：我觉得𠮶对twins有twins嘅得意，家姐细妹个效果出嚟会得意。同埋我睇佢哋2个讲嘢谈吐都几好。另外靓嘅话就19号，个样其实好标致。萧正楠：11号你都同佢倾咗好耐啦，白衫𠮶个，你系咁望住人哋。（阿Bob）哦，我就系唔敢企咁埋吖，因为一望就望到佢整嘢食嘅姿态，我就觉得唔系咁好，所以就行远啲，留返个位俾萧正楠。因为佢喺咁推开我，话我阻住佢。”

谈到今辑《美女厨房》的节目内容，阿Bob就明言今次制作是“落重本”。“今次好著重厨房、我哋有个好靓嘅厨房、仲有食材啦、美女厨神、仲有美女学徒，所以嘢都好靓。”问到会不会在节目时做足安全措施，例如带定胃药。他们说：“萧正楠：做得呢个节目其实预咗㗎啦。阿Bob：放心，现场有医护人员喺度，哈哈。（真系有？）节目组其实谂紧现场需唔需有医护人员喺度。因为如果有人食错嘢，个肚唔舒服咁点算，将军澳离医院又咁远。”

虽然现阶段玩法或详细节目流程尚未公开，不过阿Bob与萧正楠就透露了一些他们将会邀请的嘉宾。“阿Bob：陈滢都好好吖，佢知我做主持就揾我话想去个节目玩。譬如仲有陈嘉宝（Anjaylia）、Supergirls-Hidi、等等，呢啲宅男女神都会陆陆续续请佢哋上节目。（但系佢哋唔一定识煮嘢食㖞。）萧正楠：实得嘅，有啲可能天份好高，即场教就搞掂呢。难食嘅话，咪再有地狱厨神出现啰。（仲有冇其你人？）我谂都系玩开𠮶班，Grace陈凯琳、黄心颖、蔡思贝。（黄翠如呢？）萧正楠：佢吖？佢真系未知之数。（女朋友煮俾男朋友食好sweet㖞。）有时有啲苦等我自己一个食就得，唔使话下下都咁多观众嘉宾一齐睇住。阿Bob：唔紧要，兄弟撑。”