【蜗居宅急变】用旧楼突显翻新效果劲低招　厕所变温室意义何在？

一连五集嘅《蜗居宅急变》终于去到尾声，以为自称“家居创意达人”嘅Queenie会使出浑身解数，结果原来系“运吉”。又或者咁讲，节目分别揾嚟两个旧单位，话要帮业主翻新间屋，但奇就奇在只进行局部（如厨房、洗手间）翻身，到底系能力有限定资源有限？就只有留待大家去判断了……

最新一集Queenie首先去到一间有三十几年楼龄的公屋，业主话个厨房又贱又旧、天花经常跌灰，如果要装修起码要廿几万，负担好大⋯⋯先唔好理会呢廿几万点计算出来，只见Queenie不停提及呢个厨房又残又旧兼油渍斑斑，但经过一轮粉饰（油磁油、铺胶地板）后，即时靓晒。但换个角度去谂，油上白色磁油后，自然能予人焕然一新感觉，而最大功臣其实系装修师傅而非Queenie，最好笑系个业主嘅一番说话：“多谢个节目拣中我，好似中咗六合咗。”呢个对白会唔会太过over？

Queenie之后去到一间400呎旧楼，并且表示：“里面的装修好《花样年华》，尤其是厕所，化妆同冲凉都唔开胃，到底有咩办法用最少资源令地拖变Dior？”她又指由于系租楼关系，所以无需要花太多钱去装修，于是她提议：“油磁油同铺地版！”但今次呢个动作系喺厕所进行！其实情况就有如化妆时用上大量遮瑕膏，丑女都可以做索女。而“化妆”呢个动作，今次再度落在装修师傅身上！

Queenie仲有其他作品：

【蜗居宅急变】570呎都叫蜗居？　Queenie今集冇断舍离积极添废

【蜗居宅急变】到底系DIY定制造垃圾？　300呎蜗居挂鹿头上去做乜

而Queenie就负责装饰，揾来佢最爱的红酒箱同大量盆栽植物，即时令厕所有森林嘅感觉，而啲花草更多到连摆放毛巾或其他杂物嘅地方都无！有网民话话好搞笑，其实洗手间湿气较重，大量摆放植物岂不是更易滋生蚊虫？不过最重要系，明明油磁油加铺地板只需二千元，但最后就因为Queenie“添废”关系，承惠七千大元！节目如果最后可以揾个租客讲几句，相信绝对有助收视。