【蜗居宅急变】570呎都叫蜗居？　Queenie今集冇断舍离积极添废

“Cheap but Stylish”系今集《蜗居宅急变》嘅主题，由于完全无断舍离呢个动作要执行，所以Ann姐无出现过，全集由Queenie担大旗帮两间屋做家居布置，熄电视指数达一百⋯⋯何谓“cheap but stylish?”讲得好听啲就叫网购，但其实咪又系淘宝，不过讲到淘宝，相信唔少香港人都系专家级数，又即管睇下Queenie呢位家居创意达人会点玩。

Queenie首个任务系帮少女控人妻，将奶奶送赚的私人楼打造成烈艳红唇粉红博物馆，见佢由淘宝入手大量shocking pink家具，如地毡、毛毛灯、镜、窗帘、闪闪电话等等（无包邮但包咗只活生生嘅小强）花费约为8千大元，只见女户主每开箱一件新家具都用高八度声线表示：“好靓呀！”，相信真系好满意。

不过男户主待粉饰过后，入屋时一副汗颜表情，再睇清楚全屋都统一shocking pink色调后，都不禁讲咗句“咁夸张！”相信人哋老公当下心中所想的，如网友所讲︰“如果将光管转埋做粉红色的话，同一楼一都几似。”嗱，系呢方面，Queenie早就闩定后门︰“设计嘅嘢最紧要自己钟意，唔使理人点睇。”叻！

相关文章

【蜗居宅急变】到底系DIY定制造垃圾？ 300呎蜗居挂鹿头上去做乜

节目下半部分，Queenie为570呎嘅清水楼做家居布置（同节目名《蜗居》好大分歧）呢个位于启德一号嘅豪宅入场费最少都要500万起，但Queenie一于少理，继续网（淘）购（宝）家具，她更不时表示“呢啲喺欧洲买至少几万元，但我淘返嚟唔使几百元”淘宝应有万有，山寨货就当然系平啦。最后，Queenie花费4万多元装饰了全屋，但住豪宅用淘宝货，呢个系咪大部分业主嘅写照？豪宅主人入屋之后，只系用好平淡嘅语气表示“好靓”⋯⋯呢个反应相信系出于害羞。