【蜗居宅急变】包胶表姨纯属虚构？　网友黑人问号了

撰文： 邝钰莹
出版：更新：
全集都系得Kay一个现真身，而口中的表姨都只系得她的字迹，点解嘅？（影片截图）

首集不经常提到“断舍离”的《蜗居宅急变》，第二集改玩“减废”，今次的两名主人翁Helen同Kay，分别拥有400呎蜗居，Helen因为恋物狂，呢样又话有纪念价值，𠮶样又话有用，相信佢就算住货仓都会话唔够用；Kay同表姨一齐住私人楼，但唔知表姨到底系有洁癖定系强逼症，将全屋物品如灯、电饭煲、电视机甚至系未开封即食面都通通入胶袋，真系连尘都唔多粒。

Kay同表姨入住呢间屋唔够半年，其实都几新净，系杂物同胶袋多咗少少啫。（影片截图）

对于表姨呢个行为，网友虽然认为好笑，但亦指其实唔少老人家都会咁做，更指表姨入袋入得唔够密实，亦有网友指Kay应该系去帮表姨揾心理医生而非《蜗居宅急变》，咁身为家居创意达人嘅Queenie（陈莉敏）同装修兼验楼导师Ann姐可以做啲乜呢？丢走全屋胶袋再买番个组合柜，呢个你同我都识做的动作，快捷又简单，承惠一万元左右！不过全集提常提到嘅𠮶位表姨，由始至终都系无出现过！只系写下了一张纸条感谢节目组……是唔是好神奇？

美容达人Queenie原来做咗家居创意达人?!

http://bit.ly/2HcwFwV

Kay同表姨入住呢间屋唔够半年，其实都几新净，系杂物同胶袋多咗少少啫。（影片截图）
呢个shot应该唔会系值入式广告挂?!（影片截图）
一个月后节目组再去探访Kay，表姨都系无出现，但胶仍在，呢个真系好好笑。（影片截图）
本地综艺节目
蜗居宅急变