【蜗居宅急变】到底系DIY定制造垃圾？ 300呎蜗居挂鹿头上去做乜
撰文： 邝钰莹
出版：更新：
今集《蜗居宅急变》继续有啲嘢睇，所讲嘅系因为头一位个案的Jencil对于主持系又丢唔系又丢的做法甚为不满。“满心期待会变一个什么style，点知第一日丢嘢时就觉得濑嘢。”、“针唔拮到肉唔知痛”对比起前两集个案的主人翁零反应，Jencil起码都叫有主见。
【蜗居宅急变】570呎都叫蜗居？ Queenie今集冇断舍离积极添废
不过，主持人Queenie与Ann姐今集似乎已经系凭直觉去丢东西，例如见到屋内的一个铁架，就马上判断为无用，见Jencil反对就更起势话一定要丢，如果唔系Jencil话个架系揾食工具，相信已经身在堆田区了。为了劝掂Jencil断舍离，Ann姐今集出动了不少金句“你好多嘢有用，最没用是自己”、“买咗啲野，你未返到屋企就已经要丢咗个盒”讲到咁劲，搞到唔少网民都话好想睇下Ann姐屋企是唔是只有四面墙。
节目第二部分，找到独居女子Fion，间屋买入唔够半年，新净又整齐，根本无需要做断舍离呢个动作，咁点解节目会拣中Fion呢？怕且系因为佢肯提供埸地比Queenie做布置……自称为家居创意达人的Queenie推崇用廉价打造出富有艺术感的家居，所以先用胶花装饰被她以平平无其去形容的灯架，之后又利用红酒箱DIY了一个夹画、羽毛球灯……
艺术这回事真系好见人见智，但Queenie最后以小形烧肉架做灯罩，在罅隙中插上一朵朵雪白的纸巾花就堪称一绝，“（纸巾）抹完可以塞返入去”真系唔知当唔当佢讲笑好。不过，一山还有一山高，DIY完纸巾灯后，Queenie用两千大元在古董店买入一个假鹿头，挂在300尺的蜗居当中……网民睇完之后，结论只有一个：最应该系丢咗主持人！