【夸世代】由毒男变大台小生　坤哥：我唔改变点喺呢行生存

你的样子如何，你的日子也必如何，就以吴业坤（坤哥）来说，实在是香港宅男的学习榜样。7年之内就由《超级巨声2》第五名（其实之前仲参加咗亚洲亚洲嘅《星光大道》，不过唔入围），努力到2017年的TVB剧《夸世代》，成为男主角之一。但是这几年，坤哥已经与“伪毒”这个名词脱不开关系（或者“伪毒”根本上就是专为他而设的名词）但是吴业坤本人又点睇这个定位呢？

吴业坤（坤哥）接受《香港01》专访。他表示：“一开始认识我嘅人，好可能因为我嘅歌而喜欢我。但同时唔钟意我嘅人可能会出现，因为网络世界嘛。留个言冇乜问题㗎嘛，唔使钱㗎嘛，所以咪会有啲声音出咗嚟啰。而且啲人唔会记得吴业坤做过咩好事。佢净系会记得吴业坤有几衰，同埋做过咩唔好。大家永远都系留意一啲唔好嘅嘢。呢个系一个现象。咁咪会有好多嘅haters，但系我会谂返，仲有一班人系好支持我嘅。”

【夸世代】结局篇由胶剧变神剧　陈豪：未试过大结局变得咁紧要【夸世代】七小姐终可同Walking一齐？　身份三重变最后竟然……

“见低就捧，见高就踩”

“见低就捧，见高就踩”，好像已经成为现时网络上的生态。当坤哥经历低潮的时候，就会有欢声“捧佢上位”；而当他上到高位的时候，网民又会反行其道，例子比比皆是。经过7年洗礼的坤哥，到现在就已经处之泰然。吴业坤：“假设，我系‘我最喜爱男歌手’。啲人唔会开post‘我好钟意我最喜爱男歌手吴业坤’，啲人净系会开post，‘吴业坤系伪毒，佢唔值得...’咁先有人讨论。赞好嘅嘢只系有好同唔好，但系唔钟意嘅嘢可以有好多嘢可以话。就正如平时同人倾偈嘅时候，你只会话人哋有几衰，但系你唔会同佢讲佢好㗎。”

“我都系网民，其实我都有呢啲心态：我踩佢又唔使钱嘅。我点解要帮佢”“其实我宜家都唔睇（网民啲留言），因为睇完之后你覆咗佢，佢又唔会喜欢你嘅。你冇可能去说服一个人（喜欢你）。呢个世界就系咁得意。举个例，点解要分蓝丝同黄丝，我有时会睇到黄丝版讲嘅嘢，同蓝丝版讲嘅嘢，系完全两个世界。即系北极同火星咁，你系冇可能行入个地方嚟说服佢哋：‘过嚟我𠮶边啦’。呢样嘢系冇得解释，我唔钟意你就系唔钟意你，我唔需要理由。”

艺人=海鲜价

“其实呢样嘢好主观，举例，陈伟霆先生，佢喺大陆咁红。但系香港总会有人仲系讲紧𠮶个gag：而我不知道谁是陈伟霆。有一次好好笑就系，搭的士嘅时候，个的士司机话：‘点吖，宜家一线啦㖞？’我即刻吓亲。但系网上又会有人觉得我系茄喱啡，所以做艺人呢样嘢就好似‘海鲜价’咁，好浮动。你今日系男主角，可能听日你就会掉落去唔知边个位置。”

【夸世代】马海伦演技爆发零提名　网友不值：不能选她做女主角？【夸世代】剧情大暴走变打丧尸　陈豪做宇宙大王系咩玩法？

坤哥的“伪毒”

随著早年吴业坤在歌唱事业的吃得开，他在个人社交平台上的活跃以及恋爱绯闻上的增加。据非正式统计，坤哥起码同15位女艺人传过绯闻。他与每与一位女艺人合照、拍剧、食过饭、行街睇戏、食雪糕，都可以在网上社交平台上寻得“罪证”，或者是真有其事，又可能只是“炒作”。反正无论网民或是媒体都乐此不彼。所以，网民又送了一个“伪毒”的称号给他。故名思义“伪”“毒”，即是“假”毒男，“扮猪食老虎”。

毒男也会成长

吴业坤在访问中就解释了何为“伪毒”：“伪毒喺比较早排的说法呢，我觉得系“扮猪食老虎”。但系重申我就冇扮猪。（你系老虎？）我系羊或者系马，但系说冇食老虎。（食乜呢？）食好东西。”所以，就得出了坤哥是“扮羊食好东西”的结论……还好，坤哥有解释这个由来：“一开始大家认识我嘅地方系《超级巨声2》，而我啱啱入行又戆下戆下，身型又比较瘦削又毒毒地，又钟意打机又钟意漫画。咁大家就真系会觉得我系一个宅男或者毒男。慢慢又有啲新闻话我沟女，大家又会觉得，‘有乜理由一个真嘅毒男，会喺电视台做嘢。’但系一个人会成长㗎嘛，当大家唔相信一个毒男可以做到呢啲嘢嘅时候，咪会觉得我扮毒男啰。”

吴业坤：“大家将7年前嘅印象，吴业坤唔系咁嘅，吴业坤系‘毒’嘅。到宜家7年后，一个‘毒男’又点会够胆企上台讲咁多嘢吖？我入行之后要去改变自己，咁先可以喺呢行生存。大家就系将以前嘅印象捞埋宜家嘅印象，咁咪会觉得我系‘伪毒’啰。”