【夸世代：有片】吴业坤闹爆监制玩佢　不满十几集自己仲未出场

无线50周年台庆剧《夸世代》入面由吴业坤饰演的“包豹”点都算是男主角之一，但套剧已经播出了十几集，都仍未见坤哥正式出场。由于剧中讲坤哥的灵魂与欧阳震华交换了，所以每逢有包豹出场其实都是欧阳震华 (Bobby) 个样嚟。可怜坤哥只可以透过倒映或者是照镜先有得亮相，就连他的样子讲对白时也要配上Bobby音，好惨呀！

忍了十几集，坤哥终于要爆喇！日前TVB官方facebook网页《See See TVB》就上载一条坤哥大闹《夸世代》监制房的短片，仲要被串话：“贵为写错字KOL嘅 吴业坤 Ng Yip Kwan，佢写错字嘅功力已经去到出神入化，但估唔到，佢除咗写错嘢，原来亦都会睇错嘢，就例如系夸世代个剧本......”说他是自己睇错剧本才出事。究竟片中的坤哥做了些甚么呢？原来他发脾气闹爆监制。

坤哥嬲嬲猪咁指住监制话：“监制，你依家系咪玩我呀？𠮶时你话坤仔过嚟，你做男主角呀，我𠮶时梗系好开心啦。哗，又见到个cast，有欧阳震华啦，有阿田 (田蕊妮) ，有阿聪 (张继聪) 啦，谂住群星拱照吴业坤啦！依家呢？十几集都净系见到啲镜嘅倒影呀，唔买放大镜都揾唔到呀！我作为一个歌手，要咪嘴唱歌，系一件好样衰嘅事，点知我连讲对白都要咪嘴，呢个系一个耻辱嚟！”他更指畀看更笑，就连片尾出Ｒoller，广告商的字都大过他个头，疯狂投讯自己完全无得出镜更唔使讲咩发挥啦。

片中坤哥虽然好劳气，不过睇下睇下又觉得几好笑，9成都是搞笑喇。坤哥接受电话访问时坦言：“梗系玩嘢㗎啦，绝对系搞笑嘅。只不过大家有个疑团话点解我咁耐都未出场，咁咪拍条咁嘅片交代下。（咁其实你有冇不满？）冇，我当初收到剧本𠮶时都知系点拍嘅，依家咁样等观众有个期待都系好事嚟。自己抽返自己水几好玩吖。”