【后生仔倾吓偈】麦明诗经常被网络欺凌　吴业坤经常躺着也中枪

现今网络世界资讯发达，人人都上网的年龄层已经超逾了3岁至80这个range了，而随住网络世界的发展，亦形成了网络欺凌的现象，近年更加是愈来愈严重。昨晚播出的一集《后生仔倾吓偈》就讲网络欺凌，仲请来了经常在网上受到言论攻击中伤的吴业坤 (坤哥)，与同样不时会于网上备受批评的主持人麦明诗 (Louisa) 一齐分享了感受。而最令两人觉得无辜的就是会无啦啦“躺着也中枪”地遭受到评击。

坤哥就讲了一个好搞笑的亲身经历做例子说：“咪有个内地节目叫《中国有嘻哈》嘅，咁就有啲网民留言话唔可以评批啲Hip Hop Man，其中有个留言就话‘咁咪即系叫吴业坤去评价张学友？’，关我咩事呀？𠮶个留言仲要有成千几个like㖞，太过份喇。”在旁的Louisa即表示她亦有看到这个留言，而另一主持陆浩明则笑指其实这个比谕讲得几好，好清准，大家都拍手和议，连坤哥自己都忍唔住笑，之后又叹了一口气。坤哥都有回应该个留言，也相当抵死：“𠮶排我啱啱出咗新歌，咪post咗首歌条连结上去。”趁机宣传新歌，坤哥果然识玩呀。

至于Louisa就话她曾被某报章把麦紫莉的照片caption写成麦明诗，变成了麦明诗着cosplay去日本拍AV：“之后估唔到有人留言话‘麦明诗同𠮶个麦紫莉，一个天一个地呀！’于是我即刻谂，咁边个天边个地先？我最惊系佢话我拍佢都唔想睇呀。”

坤哥接受电话访问时表示其实不觉得自己有遭受到网络欺凌：“我觉得网络欺凌系指未搞清楚事实就闹咗先，未了解真相就去攻击评批，例如之前话个伯伯卖狗肉，同埋台湾一个女生杀人呢类事件。我自己就未到咁夸张嘅地步，只系畀人误会下，拎嚟做下把取笑下，唔会介意，我已经睇得好化。之前网上话我演唱会请义工嘅谣言系扭曲咗事实，我都费事解释，当时净系想专心做好个演唱会。对于网民嘅负评，我觉得系预防胜于治疗，唔好做错嘢。畀网民话系伪毒我无唔开心，我反而觉得光荣，有一个专属嘅称号。呢个世界咩人都有，唔理得咁多，都理唔到，自己依家会尽量过滤啲无用嘅资讯。总之做好自己，拍戏唱歌喺演技歌艺上批评我无问题，言之有理我会接受，即系人哋唱歌唔好评批人肥。”