【夸世代】马海伦演技爆发零提名　网友不值：不能选她做女主角？

长达50集嘅台庆剧《夸世代》，星期五终于大结局啦。呢套戏一开始宣传时就以五生五旦，加埋无限咁多个TVB艺员做串星作卖点，台庆横扫多个提名。不过有网友最近就喺讨论区提出，今年台庆提名名单，除咗啤啤刘佩玥，仲有一个更大嘅遗珠，就系《夸世代》中嘅尚庆端，即系资深演员马海伦，仲话：“为甚么不能选马海伦做最佳女主角？”大批网友留言力撑。

马海伦其实一向系公认嘅实力派演员，喺《夸世代》中饰演尚家女主人，生咗李佳芯、龚嘉欣、江美仪等七个女，虽然又系做人妈妈，加上戏中有大批一线演员，马海伦本来都系一贯绿叶位置衬托主角。不过好嘅演员大家一定会注意到嘅，有网友就话尚庆端喺戏中占有相当重要份量，接近7成集数都见到佢嘅身影。而且戏中无论发火定系喊戏都收放自如，演技实在系炉火纯青。

当马海伦被告知今次颁奖礼没有得到任何提名，她都不敢相信直言︰“完全没有提名？”她又好多谢网友支持话：“非常多谢各位,希望今年马来西亚or星加坡拿喜爱角色or女配角，香港冇在外地可以。”。她又提提大家今晚一定要睇今晚的《夸世代》，指昨日那场戏“零NG”，拍摄一气呵成：“看埋今晚 昨晚未完那场，我没有尾后NG片,因为我好少NG，我又唔使拿剧本入厂，全部熟读！”大家真系要支持海伦姐啦！

现年70岁嘅马海伦，入行已经超过50年，1966年加入邵氏训练班，廿岁出头已经独当一面，同期女星有徐枫及郑佩佩，马海伦于1973年拍完著名武侠片导演胡金铨执导嘅《迎春阁之风波》，就选择结婚退出幕前专心相夫教子。直到1984年先再复出，复出作系许鞍华执导嘅《倾城之恋》，1992年同周星驰合作《鹿鼎记Ⅱ神龙教》饰演神尼。90年代加入TVB，《天涯歌女》、《真情》及《皆大欢喜》等剧集中演出都令人印象深刻。而佢亦喺2013年万千星辉颁奖典礼夺得杰出演员大奖。