【港女讲感情】陈奕迅Medley卖回忆 每位姊妹都有一张最窝心歌单
撰文： 李妍桦
出版：更新：
四大乐坛颁奖礼终于结束，但大家可能冇咩感觉好似有颁过奖咁，好正常，因为自从大台冇再直播其他颁奖礼，净系播自己个剧集歌颁奖礼，呢几年其他好似新城、十大都好似冇咩声气咁。所以就算完晒全部颁奖礼，大家都好似唔系好知边个拎新人奖，边个拎男歌手女歌手奖。不过今年就叱咤30周年，先请到返大陆做厨师嘅Chef Le Mon出山唱《玉蝴蝶》同《活著viva》，再有神人级嘅Eason喺叱咤同十大狂唱Medley，仲正过开演唱会，最后仲有变咗人夫嘅阿王出嚟“唱这歌”，唱埋首《对你爱不完》就完满结束。
【港女讲感情】农夫氹Do姐笑到肚痛 人生有个搞笑朋友的确好极【港女讲感情】靓仔坏男人已失叫座力 天然呆马国明先系最佳男友【港女讲感情】洪天明饮醉酒被扶上房？男人饮酒其实比女人更危险【港女讲感情】许志安拣同郑秀文同月受洗 行前一步走入对方世界【港女讲感情】卫兰唱功几好都冇用 港仔只会以外貌取人
上个礼拜就被Eason同阿王呢2条颁奖礼唱歌被疯狂洗板，几乎个个人都share完，再留言tag朋友一齐听，点解个回响咁厉害？因为佢卖回忆啰，大家就最钟意想当年㗎喇，回忆总是美好的，一首歌就可以被大家倒带返去十几年前，成件事系几咁梦幻。
的确，听歌大家未必识得听歌手嘅唱功，又或者填词人嘅功力，大概听𠮶阵可以依稀讲出首歌好听定唔好听，又或者啲歌词好正咁，但歌曲伴随大家嘅回忆就举足轻重。
唔知大家系咪呢个generation，𠮶阵好流行喺WinMX、Foxy盗版下载歌，然后大家会喺ICQ/MSN个status上面抄句歌词，咩“°[ [-苦冲开了便淡[]-＊｝]，扮吓伪文青咁。之后放学又会约埋班friend去唱K，梗有一首系姊妹入面嘅饮歌，好似容祖儿首《去火星恋爱》或者系杨千嬅嘅《姊妹》定系最行Cookies嘅“my pen is blue, my friend is you”，全部都系回忆。
但唔觉唔觉，同你一齐唱K，失恋陪你通宵Loop《习惯失恋》嘅中同已经出嚟做嘢，甚至已经做埋人阿妈，以前一齐抄功课、煲电话粥、陪你做啲好疯狂嘅事都只可以回忆，突然听到Eason唱返《明年今日》，真系百般滋味在心头。