【港女讲感情】洪天明饮醉酒被扶上房？男人饮酒其实比女人更危险

洪天明本身最为人熟悉嘅一件事就系喺《奖门人》赢到好多旧花之恋同FX Creations嘅流行皮具购物礼券，但前几日佢被人影到喺上海同女仔拖住手入酒店，起初大家都觉得张相太朦，认为未必系洪天明嘅。但空穴来风，大家都好好奇究竟发生咩事，又话有人见到洪天明喺夜店揽女狂欢，又有人话系东莞时不时都见到成班“奖门人”揾食，洪天明仲覆记者话：“Funny. No reply la.”，Funny？观众睇你就觉得Funny喇，全城传到满城风雨，最后内地经理人公司帮佢回应话系因为洪天明当晚系饮醉酒，个女仔只系扶佢上酒店，两个人真系顺便拖手，并冇发生任何事，你信唔信啊？不管你信不信 反正我就不信了。

事后老婆周家蔚都帮口话只系一场误会，话对老公系信任，相信佢只系饮醉酒，乜饮醉酒系咁嘅咩？通常睇电视剧，男人饮醉酒最少要两个同佢差唔多Size嘅人扶，仲要好吃力，睇怕扶洪天明呢个女人肯定平时举开铁，单手拖住已经可以扶一个醉酒男人上酒店。其实呢个花之恋达人已经唔系第一次，14年被人影到佢同其他女仔传绯闻，佢老婆已经出面撑过佢一次，赞佢：“老公！你是最好的！看到新闻写你不好我很不忿！在这里同大家说，我是超级幸福的女人跟妈妈！我老公很爱我！我很信任他！”，Come on James，第二次喇，究竟要你老婆帮你补几多次镬？

关于饮酒呢件事，通常都系女仔饮酒被人话得多，成日都有网民大条道理话女仔落bar饮酒搏咩啊，又或者系出得嚟饮酒就预咗啦，讲到饮酒好似件自甘堕落嘅事。但讲到咁危险，但反而男人就老凤同兄弟饮酒就系一件天公地道嘅事，公平咩？其实男人成班约埋饮酒都好危险，你睇洪天明咁就被人扶上去酒店，酒能乱性，一阵上咗酒店都唔知会发生咩事。

通常男人嘅饭局成日都唔会带女友去，话咩啲人你唔识，废事闷亲你，反正有各种嘅理由。但次次兄弟饭局都夜一夜先返，唔系话唔畀你去，但咁样会令女友好冇安全感，话十二点前返，通常都变通宵，话预通宵会散，最后都朝早先见人，究竟发生咩事？唔通真系“What happens in Vegas, Stays in Vegas.”咩，想要女友唔好担心，最好嘅方法系邀请埋佢去，带佢见吓你嘅朋友，如果你系爱一个人，应该将佢嘅感觉放喺你第一位，而死都唔肯带女友见兄弟嘅，肯定身有屎！