【港女讲感情】许志安拣同郑秀文同月受洗　行前一步走入对方世界

变幻原是永恒！
2011年12月17日安仔正式受洗成为真正基督徒，与Sammi一样选择12月在同一地点受洗，相信这份心意，比任何圣诞礼物都来得珍贵。谁会想到，与天后郑秀文（Sammi）结婚5周年的许志安，竟然被揭跟观众缘甚佳的马国明女友黄心颖车厢内激咀，震惊全港，而女方一句“教徒”，又似对信仰有点不尊重。
变色感情谁人留得住？但当所有丑事爆出来之前，都是美好的，

圣诞好多人都谂买咩礼物去交换，又或者去边到食大餐，而许志安当年竟然赶喺圣诞前去受洗，当然，安仔唔系好似大家咁肤浅，大家谂可能系想氹吓老婆Sammi，好似之前林宥嘉同阿G.E.M.咁想“拆礼物”。早喺2011年佢哋两个复合之后，Sammi就带埋安仔一齐返教会，返咗阵年底安仔已经决志信主，Sammi演唱会度讲话，佢哋两个最常一齐做嘅事就系祈祷，最后安仔决定喺12月17日受洗成为真正嘅基督徒，点解拣喺呢个月呢个教堂，因为10年前嘅12月9日同地点就系Sammi受洗，相信呢份心意，比任何圣诞礼物都来得珍贵。

珍贵唔系因为佢夹硬为咗你扮信教，而系佢真心去想接触你嘅世界，男仔嘅兴趣离唔开打机、睇波、睇漫画，反正男人嘅浪漫系好少同女人有相交点，即系总有女仔唔会明咩系越位，咩叫插水，因为女友好少会放假星期六日同你通宵睇英超。而相反，放假男仔陪女友去行街买衫买化妆品亦会选择喺门口等，扫吓IG打吓机，都唔会入去陪女友一齐睇，而安仔做嘅呢件事，就系行前一步，主动去进入Sammi嘅世界。

最后安仔唔单止愿意打开心扉进入Sammi嘅世界，最后竟然仲同Sammi一样决志信主，利申唔系宣传大家信教，大家可以将基督教改做天主教，又或者系佛教都可以，反正冥冥之中，你爱嘅人同你有共同信仰，感觉两个人系同步，𠮶份感动唔系收到一份礼物咁简单，而系进一步心灵上嘅满足，就好似你同friend见到有搞笑事，不约而同讲同一句说话，𠮶种默契感系冇嘢可以代替到。