【港女讲感情】吴浩康生性话要做乖仔 女人信男人承诺真系太傻猪
撰文： 李妍桦
出版：更新：
近期演唱会特别多，依家除咗红馆之外，仲有多咗九展同麦花臣俾歌手开演唱会，12月份几乎隔日就有Show开，好多以前冇机会开骚嘅歌手出晒嚟，好似乐坛小强E-kids咁，就连话要返大陆揾食嘅侧田都回归。但近几日最有话题性嘅应该就系吴浩康喇，开骚前先话有朋友留200张飞走数，话可能要倒贴十几万数，系咪宣传嚟㗎？消息一出之后好快就散晒货，演唱会期间阿Deep喊咗几次，多谢完老板杨生，又话想做个合格嘅仔畀老豆睇。
+8
What？合格嘅仔？原文系：“我咁多年去不断坚持努力，都只系想做一个合格嘅仔，我想做一个似样嘅人。”Sorry，你话你咁多年努力唱歌都有说服力啲啊，但依家玩浪子回头就真系No啰！入行冇耐被大家赞佢系Eason接班人，以为佢前途无可限量，点知就被警察周到佢银包有可卡因，之后形象就开始插水喇。事业失意嘅佢情场就相当得意，依家嘅大台视后胡定欣系阿Deep嘅前度，被人发现佢藏毒都冇分手，反而系阿Deep搭上咗庄思敏而飞咗定欣，真系听到都嬲。
+5
【港女讲感情】余文乐王棠云拍拖一年闪电结婚 Timing真系好重要【港女讲感情】农夫氹Do姐笑到肚痛 人生有个搞笑朋友的确好极【港女讲感情】靓仔坏男人已失叫座力 天然呆马国明先系最佳男友【港女讲感情】Stephy分手后变自立 如果女友仲要依靠你应该感恩【港女讲感情】言承旭林志玲世纪复合 兜兜转转只有一位难以代替【港女讲感情】宋宋结婚好幸福 其实姊弟恋又有乜好怕
仲未完啊，庄思敏之后仲有钟舒漫，当大家都以为浪子终于回头，生性定落嚟同Sherman拉埋天窗，点知就被媒体捕到佢疯狂媾女，仲有图有真相影到佢又拖又锡其他女仔，唔通真系十个男人九个滚，女人就要认命？每个女仔都想做浪子最后一个，但可惜都太傻太天真，“一次不忠，百次不用”，如果个男仔有出轨前科，拍拖前真系要考虑清楚，“劈腿”系冇得根治，佢被你捉到嘅时候，可能之前已经唔知有出咗几多次轨，就算佢之后誓神劈愿话改过，之后嘅日子你都会担惊受怕。出轨一次都嫌多，千祈唔好信男人会改过，认真你就输鸟！