【TVB Secrets】卫星街究竟在那里？　连google都揾唔到好神秘　

相信大家一遇到唔识路就会即刻开google map一下，究竟系咪真系无所不能呢？原来香港有嘅地方真系连google map都睇唔到，𠮶𠮶就系经纬度22°16'43.8"N 114°16'19.4"E。呢𠮶地方连google map都唔会影到既神秘地方究竟系咩呢？其实就系大家都好熟悉位于将军澳TVB电视城嘅古装街及民初街，原来仲有条卫星街同新闻街。《香港01》就带各位读者入去窥探一下，呢𠮶既神秘又熟悉的“404街道”！

位于将军澳嘅电视城入面原来都有分唔同嘅街道名，有外景路，新闻街、卫星街同厂景路，相信都是根据附近的大楼而命名。其中一条卫星街，顾名思义真系有好多卫星，睇返资料，原来是无线收费电视的卫星地面站，当中有10组卫星天线，可将数据和影像下载或上载到不同的人造卫星。有传呢𠮶地方有好多TVB女职员都不敢接近，原因系怕有好多辐射，行得太近会影响生BB。

民初街

入到民初街，第一个感觉就是好似回到20世纪的香港，短短10几米已经有各式各样的商店，有凉茶铺，澡堂，米铺，面档等，真系眼花缭乱。由于今次入民初街未有遇上剧集开拍，不少商店内的商品都“铺晒尘”，兼且有不少杂物，所以滋生了不少蚊子。民初街拍过无数嘅剧集《城寨英雄》，《巾帼枭雄 》及《大药坊》等都系呢度取景。入面有齐各式商店、大宅寺院、大宅、茶楼、城楼等，几乎可以话系足不出户系呢𠮶外景场地内完成。

民初街-教堂

相信有睇开TVB剧集嘅观众，都一定知道呢座教堂嘅存在。其实这座教堂应该是民初街最大的建筑物，真系同平时的教堂完全无分别，里面的欧陆式建筑设计，如果可以开放俾市民参观，相信是不少呃like景点。记者拍摄当天正正一个人进入教堂，正中间就放置了一副棺材道具，又无开灯，增添了不少恐怖气氛！

古装街

虽然现在有不少TVB古装剧都会北上取景，其实TVB内的古装街场地都几好，应有尽有。位置亦相当方便，与民初街只有一街之隔，未行入去已经好震惊。点解呢？因为入去之前先要经过一个大大的城门楼，进入后古装街就呈现眼前，可惜空无一人。古装街比起民初街大，里面有两条街，古装街入面都有不少客栈，以及几户人家的大宅，而商店较密集，杂物亦相对多。

古装街－大宅

由民初街再走到古装街依然不变的是，蚊子一样咁多，如果你系O型血人士，就应该避免进入！我们亦进入了其中一个大宅，虽然庭园只是一个样板，但旁边的花园是很不错，有凉亭有锦鲤，如果唔系太多蚊嘅话，真系可以坐系度饮返杯茶。