【TVB Secrets】无线编剧超难入职　过到试用期都冇人工加

剧集好不好看，演员当然重要，但最重要是剧本，剧本当然是编剧的工作，套剧一“胶”或者太烂，网友第一反应“套剧边个写㗎？”，编剧其实承受好大的无形压力。讲真恶毒留言个个都写得，但要成为剧集编剧就不是人人可以，起码要经过两轮面试，过足５关先可以入无线当编剧，而首先无线要请人你先有机会，阿巢（化名）曾经是无线剧集组编剧，他大爆行内秘闻说：“通常都系官网招聘，但唔系年年都有，除咗填啲基本嘢，要写一篇不少于800字的故事，如果ok就再面试啦，亦有啲熟人介绍，但好少啰。”

虽然有很多人说无线剧集事事旦旦，但请编剧要求绝对不简单，除了写800字外，在面试时又要表现到急才创意，阿巢续说：“有两次面试，形式都系差唔多，有一条情景题，要你续写个故事，两题拣一题，我𠮶年系其中一条系２个女人喺超市嗌交，之后发生咩事？两个女人咩背景，为乜嗌交？对白系点？结局系点？有冇惊喜？你有大约45分钟去写，跟住要见ACD（Assistant Creative Director )，要自我介绍，当然要funny啲，你当见写字楼工死硬，但又唔好太出众，你要好似可造之材，等佢哋发掘咁，就最一流，跟住ACD又要考你情景题，我𠮶条系点样问人借钱？考哂喇，返去等消息，呢个系第一次面试，佢哋见一次foul一批人，之后再second in。”

有意想入无线当编剧的，就真系要问自己是不是创意无限，还要短时间就爆发到，阿巢话自己都冇谂过得，有时都要带点运气先得，他说：“当第二次面试，应该等个几月啦，再去电视城second in，先考下你个人书写能力，𠮶次系考俾8至10个生字，好似蟹、老女人、电话、机关枪、红色......你拣６个，然后串连一个故事出嚟，有大约30分钟写，然后再group discuss，几个组员倾一个吸人年青人嘅故事出嚟，之后就等消息.....真系请你喇，叫creative trainee见习编剧，人工不会超过12000蚊，过咗试用期都系叫creative trainee，表现好出色、老板又睇你的话，你就升做junior writer,试用期过咗，冇加人工㖞。”

无线编剧面试，其实难度很高，两年前都有网友将编剧面试情境写出来，被总监问写一套２０集爱情长剧，你会点写？之后再问如果拍一套３０集古装喜剧又点写？最后就问如果一套温情长剧，突然要埋尾咁又点写呢？总知淡定、急智好重要，不过阿巢提醒：“太天马行空，太高登、太cult唔得㗎，始终都系无线,明㗎啦，有限范围，佢哋接受到嘅创意就得㗎喇！”