【国际小姐】王咏珩唔认得历届港姐：其实系蔡思贝定达哥呀?

王咏珩(Wing)同麦嘉欣(Sofia)即将喺11月出战国际小姐选举，作为香港代表嘅王咏珩早前表演过佢嘅泰拳有几厉害，今日进行另一项测试，就系睇下佢认唔认得出近几年嘅香港小姐！场地:FAC

讲真作为普罗大众想叫得出咁多港姐个名系好有难度，所以我哋降低难度，只系考下阿Wing认唔认得最近几年嘅冠军同亚军。

结果证实阿Wing只系睇八卦新闻，比较少见报嘅港姐佢都唔多识，所以爆粗港姐冯盈盈、十优麦明诗都一眼就认得出，但系冇签无线嘅2015年亚军庞卓欣同埋2014年冠军邵珮诗就噏都噏唔出喇！

最搞笑系阿wing一眼认出其中一个系蔡思贝，但系又好犹疑究竟系蔡思贝定网红达哥，反问：“蔡思贝？达哥？蔡诗贝呀嘛？”问佢如果有人话佢似达哥或者其他人佢介唔介意？阿Wing就话：“喺好方面谂都系好事嚟嘅，因为变相多啲话题，所以都冇乜嘢嘅！但当然最好自己有特色啲，唔好俾人觉得我似第二个啦！”唔知蔡思贝系咪咁谂呢！