【国际小姐】纯港女王咏珩玛利曼毕业　代表香港出战：想国际性啲

港姐告一段落，雷庄𠒇（Juliette）尽失民心，有网民就揾返代表澳门选国际小姐嘅Sofia出嚟比较，其实在这个由“澳门选美连盟”举辨的活动上，仲有一位香港代表－－王咏珩（Wing Wong），都会在11月去到东京Tokyo Dome City Hall，与超过70位来自世界各地的冠军级人马角逐后冠。

其实以往香港代表都系由香港小姐做代表，但TVB在2015年开始唔玩，转由澳门选美连盟负责选出香港的靓女参赛，话晒国际小姐是全球三大选美盛事之一，王咏珩有港姐都唔选，一选就选个最劲嘅比赛，确系明智。今年23岁的她于名校玛利曼中学毕业后，去到英国萨塞克斯大学修读媒体研究，高䠷身形（5呎8吋）令她早在中学时期已被星探睇中，但为怕阻碍学业，所以她只做part time模特儿，拍过7-11、麦当劳、银行以及KFC等广告，到前年毕业后，王咏珩随即返港全身投入模特儿事业。

对于参选一事，王咏珩接受电话访问时，就表示其实是一场意外。“本身系一个model朋友去咗参加呢个比赛，有日做嘢时佢问我有无兴趣去玩，话之前俾咗我张相给选美主席睇，佢哋想同我见面，家人𠮶阵仲笑我点会赢。”王咏珩指选美过程只需进行面试，泳衣环节欠奉，但由于面试是分开进行，所以对手有几多人，她亦不太清楚，为了备战11月的赛事，王咏珩每日都要上堂恶补catwalk、化妆、谈吐等技巧，她笑言之前试穿过一对6吋高跟鞋，踏出第一步就差点仆倒。问到可曾想过参加香港小姐？王咏珩就话暂时未打算，“参加选美比赛系因为可以代表香港走向国际，认识多啲外面嘅世界，呢个系好好嘅机会，同系一件值得骄傲嘅事情，所以会比较希望参与国际性嘅比赛多啲。”另外，王咏珩亦表示有留意今届港姐，但由于节目时间只系两个多小时，好难判断有无质素下降。其实单系睇王咏珩嘅谈吐，相对雷庄𠒇，已是稍胜一筹。