【同盟】 炒车爆炸套路例牌出现　吴若希话似睇紧《使徒行者》

今年4月升呢做妈咪的嘅吴若希（Jinny）近几个月Instagram经常都上载与囡囡淼淼嘅相片，虽然呢位妈咪现在就全力凑女，但闲时都会留意下TVB嘅最新动向。昨日她在IG上载了一段系屋企睇剧集《同盟》嘅片段，仲一边清唱《越难越爱》，仲大赞剧集好好睇，“有无觉得d爆破场面好熟口面？”。Jinny透露好似当年《使徒行者》三哥同江美仪，林峰同佘诗曼一齐在车中面临爆炸关头。不过，睇返《使徒行者》呢两集嘅片段又不太似，相反回顾近年TVB的警匪剧，好似有𠮶共通点，就系男女主角一定要经历爆炸先会大团圆。而今次《同盟》标榜多枪战和爆破场面，事实上过往有好多剧集都有，而网上亦有人讲过TVB的爆炸剧情几乎“老是常出现”。

其实吴若希所讲嘅有啲位好熟悉都唔系无原因，讲返佢口中《使徒行者》𠮶两幕又系有爆炸场口，而且都系面临生死关头，最经典莫过于系爆Seed冒住生命危险，叫钉姐离开，当年真系睇到眼湿湿。而去年播出的例如《EU超时任务》及《致命复活》，男女主角又系要挨爆，如果男女主角一齐就一定要其中一人拖出另一半脱离险境，而他们共渡患难后，大多数都会成为情侣。《EU超时任务》中朱千雪识破了袁伟豪嘅真面目，就点石油气同归于尽，千雪bb仲炸到烂面，而王浩信为了救佢又穿越返到过去。《致命复活》大结局最后一幕就系讲男女主角郭晋安及万绮雯在火海逃生，安仔抱住万绮雯冲出火场，剧集就完咗。今次《同盟》中，亦有场讲述鲍姐饰演嘅薇姨为了避开袭击忍住枪伤驾车保护子杰，中途不幸遇上车祸，被车夹住嘅薇姨就叫子杰离开，不过都有网友话呢幕好感动。

唔同TVB真系无限loop 剧情？大家可以留意返嘅系《使徒行者》同今次《同盟》都是出自同一监制文伟鸿嘅作品，所以有啲位似系在所难免。

讲返吴若希首《越难越爱》，chorus一句“无惧世事变改，还是越难越爱”当年真系红歌又红人。除了作为《越难越爱》嘅片尾曲外，每当剧集遇上生死瞬间就会播，简直可以话系不停loop观众嘅脑，仲有人话就咁睇歌词，脑海即刻有Jinny把声！所以Jinny睇住《同盟》唱《越难越爱》，其实都好衬套剧嘅。