【同盟】亚视忠臣兼影后　鲍姐曾为亚视被拖粮员工落泪

鲍起静(鲍姐)于TVB的首部剧集《同盟》今晚就首播，唔知大家仲记唔记得其实鲍姐系亚视之宝，佢同亚视之间嘅关系就同等号一样。《同盟》中主要围绕住孝义，昨日陈展鹏出席宣传活动时就大赞鲍姐真人都好有义气，原来亚视面临倒闭期间，已经与对方无合约嘅鲍姐仍然觉得自己都依然是亚视艺员，所以到亚视真正熄机先肯过档同TVB拍剧。鲍姐就话，“系真㗎，好多人都话我系亚视代表，其实我都唔系亚视好主要嘅演员，当时我觉得亚视真系完结咗，先有心思谂其他嘢，如果唔系真系比较难成事。”据知，无线同鲍姐倾合作倾足三十多年，真系好夸张！

鲍姐系亚视30几年，代表作真系好有好多例如《再见艳阳天》，《肥猫正传》及《包青天》等。近年鲍姐比较将工作重心转移到电影，就好似《僵尸》 同《大手牵小手》都令观众留下深刻印象，2009年，鲍姐就凭电影《天水围的日与夜》首次获得香港电影金像奖最佳女主角奖。2015年，鲍姐虽然已经贵为金像奖影后，但仍然对亚视嘅情一直都系度。当时亚视投资者王征接受内地访问时表示不肯贱卖亚视令它有一线生机。身为“亚视之宝”的鲍姐更公开揶对方是败国者，并十分同情当时被拖粮的亚视同事，仲哭诉闹爆王征行为骑呢，好可惜亚视依然逃不过厄运在去年4月1日正式熄机。

提到亚视与TVB拍剧有咩唔同，鲍姐就表示TVB有规律，“一日排几多场就要拍完，唔可以甩嘅。以前亚视就好多甩甩漏漏，有好多阻滞。而家就好多好急。”咁多甩漏，系亚视拍剧应该好轻松？鲍姐笑言唔一定轻松，“因为亚视有亚视嘅紧张，好多时候套剧出街我地都仲拍紧，呢度就无咁嘅情况。好似以前拍《包青天》咁，一路拍一路赶。”

唔洗讲休息时间对于演员来说都好重要，鲍姐就话好感激TVB都好体谅，“完全系够时间休息，咁时间拍得长就一定嘅。当今次TVB真系对我好好，反而以前亚视休息时间以前真系无乜，虽然当时我仲年轻，所以今次都OK。”今次鲍姐系《同盟》入面又要揸枪又要跑来跑去，她透露有场就不小心拉伤条筋，“因为𠮶场展鹏就要捉住我跑得好快，完全跟唔上，但好快就无事。”鲍姐笑言𠮶次拉伤条筋之后每场戏都好小心。