【同盟】陈山聪指挥狙击手开枪又派胶 Sniper要用红外线瞄准？
撰文： 温菁莉
出版：更新：
千呼万唤嘅TVB剧集《同盟》昨晚终于首播喇，唔少观众都好期待一众《城寨英雄》班底今次有咩火花，但有部分观众就有些失望而回。其实睇返第一集，就已经有唔少爆破场面，明明剧情好惊险，但观众就问TVB点解又派胶，事缘有一幕枪战鲍姐饰演嘅令熊被狙击手暗杀，身为其保镳嘅欧瑞伟好快就见到，之后随手用手枪射中狙击手，呢招返狙击其实都几唔make sense。而剧中有爆破场面嘅场面，都用慢镜似乎系想营造电影感嘅效果。BTW欧瑞伟咁劲，唔知最后佢会唔会剧集系final boss呢？
+2
《同盟》今次就特别邀请鲍姐加入，好多人本身都好期待，不过有观众就嫌鲍姐讲对白好生硬，还提议TVB应该揾惠英红饰演令熊一角。但当然有人都觉得鲍姐好戏嘅，大赞佢一人分饰薇姨同令熊两角，演技上要做到好唔同系难事，但鲍姐都拿捏得好好，仲话今年年尾颁奖礼拎视后无难度。(观众系咪忘记剧集仲有胡定欣呢?!)对于拎视后一事，鲍姐日前出席宣传活动时就讲过，“唔好喇，要俾机会年轻一辈，我无谓阻住地球转喇！”但相信最令人意外嘅，一定系鲍姐大开金口唱徐小凤的《风的季节》，仲要全程keep住个小凤姐腔，都几有新鲜感！
另一幕，就系饰演鲍姐𠮶仔嘅陈山聪系货仓发现自己公司有同事做贩毒分子，就暗中预备一班狙击手暗杀对方。咁就出事喇....因为班狙击手用红外线枪，乜狙击手唔系暗地里杀人咩,用红外线咪会被人发现，好似唔系好合逻辑。另外，剧集系呢场戏就用交响乐代替枪声，讲真新意就无乜，而且陈山聪啲动作个画面又唔系太配合，夹硬加埋音乐更是有画虎不成的感觉。虽然有胶位，不过都睇出tvb今次确实有诚意，要赞下嘅！