网民扬言希望床哥女儿被杯葛　发火回应：校园欺凌唔系俾你咁发泄

JFYT与姜涛之间的风波并未平息，姜涛昨日（27日）表示床哥应想清楚自己作为公众人物的一言一行，认为“唔系一句讲笑就冇事”；而床哥则觉得姜涛未了解清楚事情全貌就“冲出嚟”，自己不会硬食“冇品”指控。而两边的支持阵营亦相当激动，甚至有姜糖发起要杯葛所有JFFT代言的产品，不过事件今日甚至烧到去床哥家人，而床哥亦动真火发声。

有网民在YouTube留言，指床哥过份咗，斥他：“自己都系爸爸，点做个女榜样？啫（即）系你个女喺学校比（俾）人虾话佢样衰哨牙口臭，你帮个囡出头，对方仲话‘我系咁架（㗎）喇，系口没遮拦系钟意咁讲，吹呀……’你而家唔止无品，仲系无赖，几多青少年以后就跟你呢套去做人，真系多得你唔少。”

该网民认为Edan只是畀面周殷廷才表示不介意，怕被人说小家玩唔起，之后她再轰床哥：“香港有你带头d（啲）咁嘅歪风，社工个朵都比（俾）你影衰。我自己身为一个妈妈，真心睇你唔起，希望你个女系（喺）学校唔好俾人‘杯’，垃圾”

而床哥就将最后几句截图，并在社交平台发火回应，不接受家人受牵连，并反对校园欺凌。他说不会贴出对方样貌公审，自问一年间经历大大小小事件，上过港闻又上过娱乐版，表示：“每次受到不同攻击都习以为常，我系无任欢迎你哋去攻击我本人，因为我对呢啲睇得好开，但系如果要拎到屋企人去讲，我永远企喺佢哋最前方！校园欺凌呢啲社会议题，唔系用嚟俾你咁样发泄，校园欺凌无论如何都唔应该发生，希望你可以成为一个善良嘅人，如同你偶像一样。”言语间，他似乎认为对方是姜糖（姜涛粉丝）。

床哥虽然今年才30出头，但他已结婚9年，育有约9岁的女儿娜姐。娜姐亦不时在床哥IG出现，床哥会带她去Cosplay、抽盲盒等等，所以娜姐都有不少支持者。床哥今年初曾卷入实习社工风波，他于某中学担任实习驻校社工仅两日便被“联署”辞退，他觉得非常不公，但之后他获安排去第二间学校实习，今年8月终于成为注册社工，他展示其毕业证书和社工注册，坦言收到证书一刻哭得比任何时候厉害。