床哥与Edan有共识“无恶意讲笑”　批姜涛未了解事情就“冲出嚟”

JFYT昨晚（28日）齐人直播，床哥为“抽水拉票”一票作回应，表示自己一举手一投足已被大造文章，但自己唔系老屈、更非抹黑，又指有睇开JFYT嘅观众一定知道佢哋咩都讲，而且每样嘢都系轻轻带过。床哥又指“抽水”报道一出，他只觉是小事，因为观众心水清“知道一定系玩，唔会系刻意攻击，然后突然有位师兄走出嚟，𠮶位师兄我怀疑佢都系唔知头唔知路，好老实讲，而家好多上网嘅人系冇批判性思考，亦都唔会了解个事情系乜嘢，我有睇佢今日个访问‘大家互相尊重、大家了解多少少’佢成个访问，可以用返落佢自己𠮶度。”

床哥虽然全程没讲及名字，但明显是在指姜涛，他又强调自己是客观陈述所见的事实，又认为“佢无好好与队友沟通，就咁冲出嚟”，床哥指收到不少“冇品”私讯，又望姜涛列出自己冇品嘅地方，又话自己唔系MIRROR黑粉，但“我无听，对呢队嘢保持中立态度。我唔认为突然冲出嚟，一句‘冇品’，令事情收拾唔到。”

床哥又表示透过YT（周殷廷）与Edan（吕爵安）沟通，大家嘅共识都系觉得开玩笑，但事情去到难以收拾，系大家唔想见到，又指自己之后出嘅限动都系“抽水”而非制造纷争。床哥讲“冲出嚟”时，JFYT其他成员低头忍笑，而YT则冇表态，但他曾在直播提到日前才在商台篮球与姜涛、Edan等人打球，私下又与Edan友好，更大赞对方工作认真，如今事情发展到咁地步，都系大家唔想见到。直播中，JFYT预告将继续落区拉票，而JFFT周日亦会出席公开活动，到时应该可就“抽水”亲身回应传媒。