床哥@JFYT为拉票明踩Edan无视爵屎感受　姜涛撑兄弟留言：冇品

周殷廷（Yan Ting）与YouTube频道JFFT成员合组JFYT首次打入“叱咤乐坛我最喜爱的组合”5强，喺5强公布前夕，JFYT跨区拉票，米爷更应粉丝要求即场点唱或者合照，有求必应。床哥前晚以直播形式继续拉票，相关言论其后被转载到Threads ，并引起爵屎、镜粉不满，事关他表示如果上台拎奖的话，第一个多谢保锜，第二个多谢Edan，直指爵屎拉票期间，偶像却身在台湾同林明祯行夜市，并欢迎Edan流失嘅票数可投YT同JFYT。

床哥表示：“我哋会与你同行，我哋喺投票阶段唔会去台湾。”床哥又指JFFT成员有家室、有恋爱对象，粉丝唔需要对佢哋有任何恋爱幻想空间，又话自己落区拉票时，遇到最多嘅系“爵屎”，因为有好深感受。“当我哋见到佢哋好用心拉票时，去到好夜返屋企时，发现佢喺台湾happy紧，我都唔识形容，一定系百般滋味在心头，放心，我哋JFYT会与你同行，欢迎爵屎加入JFYT大家庭。”言论一出，有网友表示本身颇为欣赏周殷廷，但队友为拉票而落井下石，十分无品，但亦有网友指“都系同一伙人”。而网友姜涛，亦在Threads留下“冇品”两字，疑似不满床哥抽水行为。