唐诗咏同虾头深入东京牛郎店　笑言唔心动：我发觉香港好多靓仔

唐诗咏昨晚（31/8）现身将军澳出席活动。诗咏早前为网上节目《丝打去旅行》孖住虾头（杨诗敏）到东京深入牛郎店 ，令她毕生难忘，她在接受《香港01》访问时仍难掩兴奋：“其实真系人生第一次去呢啲地方，到接触佢哋嘅时候，佢哋竟然系会怕羞，同我之前想像嘅嘢系好唔同，以为佢哋系会好进取，又会好热情咁招呼你，但原来唔系，佢哋反而系同你好似系朋友咁对待，佢哋系会同你倾偈，变咗又唔会好主动埋身，佢哋系好识同人沟通，讲咩话题都得。（咁多靓仔冇心动？）咁又冇话，我发觉香港都好多靓仔，哈哈。”