刑侦12｜林保怡重返TVB感开心　新剧正式煞科抱恙现身：有啲小病

林保怡相隔13年强势回归无线（TVB）拍摄新剧《刑侦12》，而且毫不锡身亲身上阵拍摄多场动作戏，但在拍摄期间，保怡就不慎触伤右边膊头旧患，但仍忍痛开工。经过3个月在内地的拍摄后，保怡日前终于返港，剧集亦正式煞科。

今晚（31/8）林保怡抱恙现身将军澳出席活动，他在接受《香港01》访问时表示：“经过3个月啲角色调换之后呢，终于返返嚟自己呢个身体，发觉原来真系要休息一吓，今日的确系有啲唔舒服，咁多年嚟都系咁，每次拍完剧煞科后，我都会有一啲啲嘅小病。今次能够同一班完全未合作过嘅演员拍剧系好开心，因为我都系喺度学习，而我又会同大家分享演戏心得，加上由陌生到磨合，都有花火系好短时间。相隔13年返嚟拍剧系好开心，始终自己都系喺TVB出身，咁所以都有好大嘅感受。”