朱智贤自爆同谢东闵工作有拗撬 不满跟男友学唱歌：真心唔钟意
撰文： 吴子生
出版：更新：
朱智贤（朱朱）昨晚（31/8）现身将军澳出席活动。提到男友谢东闵离巢无线，问到会否情侣档揾真银？朱朱在接受《香港01》访问时表示：“其实我哋又唔介意嘅，如果有客户揾我哋一齐做嘢，我哋都可以㗎。而最近我啲片都系由佢负责揸机拍嘅，佢系充当摄影师嘅工作，不过我就冇人工畀佢㗎，因为我哋唔讲钱，我哋系好踏实。”
问到二人一起工作时会不会有拗撬时，朱朱笑言：“其实你讲得啱呀，真系唔好一齐做嘢，因为每个人做嘢都会系唔同嘅，就好似咁，我就唔钟意佢做我唱歌老师，而我最近有商演我都系自己揾第二个歌唱老师学，佢已经教咗我好多年，真心唔钟意佢教我，因为我会闹返佢转头，哈哈。”