前亚姐陈绮明拍剧叫人帮手读对白被指摆款感委屈：话我好寸同好嚣

前亚姐陈绮明（Betty）今日（28/8）现身大埔亚视总台出席“第35届亚洲小姐竞选全球大赛暨香港区”启动礼。Betty受访时表示：“其实今日能够参与呢个盛事，系令到我谂起以前选美时嘅回忆，当中同咁多唔同嘅佳丽相处，点都会有啲人系会夹啲，亦会有啲人就咁倾得埋。有时喺一大班佳丽企埋影相嘅时候，试过都被人用手批踭，但我个人就比较正面，就唔会谂对方系咪有心，我会同自己讲要做好自己先，唔好批评人哋。”

此外，Betty亦透露因个性太过率直，曾因此得罪别人：“我记得完咗选美比赛之后，我就加入咗亚视做节目，之后有套戏揾我拍，因为我个人听嘢系比睇文字会入脑啲，于是就叫隔离位朋友帮手读出嚟俾我听。但后尾我听到背后有人话我好寸同埋好嚣。其实我唔系佢哋咁谂，当时自己年纪比较细，唔识点处理，听到系有啲唔开心，同埋好委屈。明明我系想做好啲，做快啲，点知出到嚟就有呢个误会。”