连诗雅怀孕7个月现身　心情忐忑未定剖腹或顺产：两样嘢我都惊痛

准妈妈连诗雅（Shiga）今日（3/5）陀B现身尖沙咀出席品牌活动。Shiga受访时表示：“我而家个肚7个月，时间过得好快，仲有2个月多几月就生得，去到呢个阶段，我已经冇再去磅重，但系我记得对上一次产检之个体重系重咗5至6Kg，但系走佬袋我仲未执，因为都唔知要带定啲乜嘢，变咗而家都问紧身边妈妈朋友入院而要用到嘅物品系啲乜嘢。”

此外，Shiga仲未决定选择开刀还是顺产：“其实都要听医生点讲，但自己仲未知。因为两样嘢我都惊痛，变咗而家我系处于唔去谂嘅状态，因为仲有两个月时间，畀我每一日去享受每一天，食吓瞓吓，等我开心住先啦。（会唔会揾师傅为BB改名？）都可能会，到时睇吓，但就未话一定会揾住。”