张天赋暗寸周启生批陈蕾唱功差：演唱会系娱乐性我跳舞都甩皮甩骨
撰文： 吴子生
出版：更新：
资深音乐人周启生早前在社交平台毫不留情点名批评陈蕾在演唱会唱功差：“有朋友send咗一啲links畀我，系一个女仔嘅演唱会，女歌手叫陈蕾。我之前曾经听过一两只佢嘅歌，听唱片制作又真系几好听！音乐，歌词，唱歌都系合格嘅！但系听佢现场嘅表演，真系吓咗我一跳，弹结他甩皮甩骨，唱歌近乎离晒谱咁走音。”此番言论惹起网上热议。
张天赋（MC）昨日（2/5）现身西九文化区出席香港电台节目巡礼活动，他就事件接受《香港01》访问时表示：“其实我就好少睇呢啲新闻，但陈蕾系我心目中嘅女神又系歌神。（周启生批陈蕾弹结他甩皮甩骨！）我觉得演唱会系娱乐性，即系好似我咁，我跳舞都甩皮甩骨啦，手脚唔协调，咁如果以技术而论，咁系唔及一啲专业人仕好，咁但系我认为只要达到娱乐性嘅目的，能够娱乐到观众，而我又享受，我就会做得好。（担唔担心日后都会被人批评唱歌水准？）其实企得喺台度一定会有唔同嘅声音，无论好又或者唔好嘅声音，作为我哋喺呢行，都需要有韧力去消化，系要识得调整自己嘅心态，先至可以下一步去用更好嘅表现去畀大家。”