张继聪明年安排大仔张瞻外国升学 近日密密讲人生道理：佢话佢知

张继聪今日（29/4）现身荃湾出席《中国香港国际篮球邀请赛2024》记者招待会。提到17岁大仔张瞻准备下年外国升学，张继聪受访时表示：“其实佢外国升学系成个屋企嘅大事嚟，即意味住我哋会有几年嘅事大家都会分开，但对我嚟讲男仔呢样嘢系好紧要，佢要好好享受呢个过程，同埋都无办法，我哋做父母嘅都要学识放手，俾佢自己过自己嘅人生，反而呢排我同佢成日倾就无佢想去边一个地方。”

被问再张瞻去外国读书是你们的决定？张继聪续说：“其实一向都系佢自己嘅决定，就算以前考学校都系由佢自己拣，我哋做父母都冇干涉佢，反而我哋做父母嘅都希望佢系学生嘅生涯好好享受去学习。其实我都有同佢讲，佢去外国升学，系阿爸阿妈好努力去换返嚟，就好似嚟紧我要拍戏又要除衫，变咗呢几个月嚟要节食又做运动，就系咁付出揾钱供佢读书，说话我就同佢讲到呢度，希望佢自己思考吓，好多嘢都要付出，先有收获。(佢听完有咩反应？）佢话我知喇 。但佢之后会维持几耐，自己就唔好太过奢求，你话佢几时孝顺，就唔系一时三刻啰。（佢冇反驳你玩少啲车，买少啲衫裤？）咁好彩冇㖞，如佢去到讲啲就，就应该一把反车埋去啦，咁讲仲有人性嘅。”