吴浩康爆郭思琳家中话晒事　指自己冇地位发言权：你估我好威呀？

吴浩康（Deep）今日（29/4）现身美孚出席限定音乐会大展歌喉，与粉丝近距离接触，爱妻郭思琳和囝囝及外父外母亦有到场支持，场面热闹。

讲起凑B心得，阿Deep接受《香港01》访问时表示：“其实我管教囝囝系比较宽松，但对太太就比较严谨。（对太太严谨啲咩？）其实我喺屋企除咗提供一切生活所需，我系冇乜发言权，亦都冇乜地位，咁所以我系冇得执行严谨。我严谨嘅时候会系啲咩？就等于我老婆𠮶一刻要严谨，我咪要严谨啰，如果我老婆𠮶一刻松啲，我咪松啲啰。（你系暖男！）唔系，你估我喺屋企好威呀！我唔同你讲大话嘅话，我系心甘命抵嘅，但心𠮶句可唔可以好啲呀！俾我话少少事呀，例如拣雪糕都俾我拣吓咩味。”

好友张致恒与太太雯雯经常传出婚变、被人追数等负面新闻，更不时在社交平台呻穷，称生活拮据，公开向网民求助，惹起网上热话。被问到今日为何不邀请好友张致恒出席音乐会，阿Deep礼貌表示：“唔讲Steven。”