【农夫演唱会】坚持零内部认购︰全场1500人都系真金白银买飞！
昨晚(11月9日)农夫完成首场《农夫十八岁生日快乐演唱会》，成军十八年，他们在演唱会中向入行生涯以来遇到的5个人致谢，头2位包括是经理人DJ Tommy以及Do姐郑裕玲。演唱会中段，他们再向子华神致谢:“黄子华嘅栋笃笑可以说得上系我哋嘅胎教，我哋一路都好钟意佢，直到我哋有幸去到佢《金盘𠺘口》嘅庆功宴，当时酒过三巡，全部来宾都尽兴而归，正当我哋都谂住走嘅时候，子华就捉住我哋话倾多阵，点知一倾就系六个钟，足足系佢个骚嘅三倍时间。”随即唱出新歌《面斥不雅》。
唱首歌收律师信 C君︰劲过LMF
元祖农夫再现，原主音GiGi及DJ Galaxy现身台上，不但即场重新拍摄一张元祖农夫的旧相，更唱出他们的旧作《十七年华》。
农夫亦顺道感谢第四个人，旧老板陈冠希:“有几只唔错嘅碟都系Edison帮我哋做，当中一只叫《O'FAMA》嘅碟，入面有首歌令到我哋人生第一次亦系唯一一次收到律师信。事缘当时有2个团体都比较多负面新闻，而我哋根据呢啲新闻去写咗首歌出嚟，最后其中一个团体发律师信要求我哋将呢首歌喺YouTube上面下架，对我哋嚟讲都冇乜所谓，因为对方似乎唔清楚fb运作，我哋下咗架，转头又会有百几个人Upload返上去。”随即唱出《信不信由你》，而到底是什么团体发律师信给农夫，到最后都没有揭晓答案，但深信不难在这首歌当中找到答案。
演唱会中段，农夫亦有提及黄牛问题:“通常呢个时间都系要多谢赞助商，不过我哋系冇赞助商。上次演唱会我哋有指定赞助商，所以我哋冇卖飞压力，赞助商已经帮我哋包咗一啲，不过就好多人话买唔到飞，最后要买黄牛，千几蚊一张。千几蚊睇农夫?你点同阿妈交代呀?而我哋作为表演者最嬲嘅系，佢哋唔洗彩排、唔洗做音乐、唔洗做骚，最后赚得仲多过我。”
一轮笑声过后，他们续道:“所以今次呢个骚，1500个座位，我哋决定全部推出去公开发售，入场嘅每位朋友都系真金白银买飞入嚟!”取而代之，又是一轮热烈的掌声。
真系回水
Encore时段，农夫边唱《风生水起》边与观众握手，麦玲玲师傅突然现身Feature她的Rap部份，全场乐迷起哄，气氛去到全晚最高点，其实玲玲师傅正是农夫第五个要多谢的人。玲玲师傅更大派生日利是给二人，农夫即场拆利是，发现利是合共一千元，更即时派给当晚生日的歌迷，可谓“真正回水”。
演唱会散场时，农夫亦继续去年演唱会传统，有“迎宾”自然就有“送客”，二人从台上走到出口，逐一与乐迷握手答谢。