【独自音乐】Robynn & Kendy翻唱成绩好过原创？　“我哋唔介意”

“小清新”音乐向来给人一种“易入口”的感觉。不论在你失眠时、游车河时、甚至是你下班或放假时收听，都可以让你暂时远离繁嚣。不知道Robynn & Kendy的作品可曾有给你4分钟放下心头大石之感呢？初出道时就有“小清新”组合之称的Robynn & Kendy，因翻唱经典作品在网络上得到不少人的关注。出道后更到内地选秀节目《中国好声音》第三季，凭着翻唱《思念是一种病》而得到更多人认同。不过随后因种种原因她们在乐坛消失1年，今年她们终于重新出发。今次Robynn & Kendy为你翻唱出莫文蔚的《The Way You Make Me Feel》及新歌《无敌》。摄影：江智骞

“小清新”唱作组合Robynn & Kendy于2012年出道，曾推出多张大碟的她们，当时以两枝结他配上两把甜美而有辨识度的声线得到不少乐迷认同。参加内地节目《中国好声音》后，更令她们声名大噪，推出国语大碟。不过在她们最令人有印象的时候却在宣布休息，而且由3个月变为1年。正当大家快要忘记她们的音乐之时她们再次重新出发，推出多首有别她们以往“小清新”风格的作品（如：《负摄石》、《无敌》、《Shout n' Cry》及《急救中》），究竟她们发生了什么事情呢？

“我哋静咗1年时间，经历一个沉寂期。到我哋今年重新出发，好想畀大家睇到我哋有进步嘅一面。原本系想休息3个月，但因为人事变动，公司唔够人，无人想接手Robynn & Kendy，公司希望我哋为自己重新定立音乐上嘅方向。其实我哋老板（环球唱片高层Duncan）系一个好有人情味嘅人，佢有为我哋而担心，所以先想我哋计划好啲，就这样休息了1年。”Robynn & Kendy说。

提到曲风改变，她们并不认为是随波逐流，反而是踏出成长的第一步，“我哋有听到人话‘点解出只咁嘅歌’、‘做咩你哋要180度转变’？其实大家仔细听，会听得出有好多R & K嘅元素喺入面。过去我哋都有尝试用唔同方式表达我哋嘅音乐，不过外间通常只将焦点放喺主打歌或者最多点撃嘅作品上。其实我哋会成长，我哋唔能够一直停留，我哋有需要用多啲新方式呈现自己嘅想法。无论大众接受与否，我都觉得我哋系要突破。”Kendy说。

Robynn续说：“我同Kendy都有同一样嘅感受。我唔想Robynn & Kendy畀人感觉系嚟嚟去去都系𠮶啲嘢。我哋想话畀人听‘We are so much more than what do you think we are！’”

如果你有留意作品《负摄石》的话，你会感受到Robynn & Kendy在歌曲中表达出迷惘、等待、对前路不知所措的情绪。当一对组合遇到这种瓶颈期时，难免会有“放弃”、“单飞”的想法。Robynn & Kendy也不例外，“系有曾经谂过。我哋系有谂过自己咁辛苦为乜，何必要自己唔开心。但系后来我又会谂，其实每一代嘅歌手都会经历浮沉期，就好似好朋友阿Phil（林奕匡）咁。但当我哋见到佢哋开始愈做愈好，我都会谂其实我哋都可以。我觉得低潮系每一位歌手必经阶段。唔可能事事顺利。”

Robynn续说：“我哋写紧《负摄石》嘅时候，Robynn & Kendy处于唔知几时会出碟，唔知几时有嘢做，睇唔到前路嘅迷惘期。亦因为咁所以喺无界线嘅情况下写呢首歌。”

Robynn & Kendy翻唱天后莫文蔚的《The Way You Make Me Feel》，为你寂寞的晚上带来“小清新”。

回想起2011年，Robynn & Kendy因为在网上唱出多首翻唱作品而得到大家关注，支持她们出道成为歌手。但当她们推出原创作品时，集中点往往都是她们的翻唱歌上。Kendy表示：“有人会问，点解我哋啲cover歌会比原创歌更多人留意，我觉得系个timing帮咗我哋，当时多人听。其实cover歌都系我哋两个好重要嘅一部分，我哋系一定唔会摒弃。但系我希望可以喺呢两样嘢入面揾到平衡点，所以我并唔介意其他人话我哋嘅翻唱歌比较多人听，因为我们清楚自己嘅目标。”

在音乐路停滞1年的Robynn & Kendy，在今年除了推出多首新歌外，更在年尾将有首次卖票的音乐会：“我哋将会喺伊利沙伯体育馆举行首个大型音乐会，今次主题系《Reflection》，希望透过今次嘅音乐会同乐迷回顾过去5年Robynn & Kendy嘅音乐路。过去5年最令我哋难忘嘅系我哋初初唱cover嘅时间。𠮶段时间由拍片摆上网，到录音以致剪接都系自己做，我觉得当是系最开心最自由。”Robynn忆道。