【独自音乐】除面罩后无人理　龙小菌：其实我唔系好介意！

《独自音乐》今集找来的歌手龙小菌担任嘉宾。龙小菌于2012年出道，她曾唱过不少二次创作歌曲。初出道时龙小菌为了不想影响其教师的工作，所以她以“幪面歌手”身份视人。她希望观众不要以貌取人并用心去感受其音乐。正因她当时如此神秘，所以当时龙小菌也引来不少人的关注。今集《独自音乐》她会唱出《继续追》及《路过蜻蜓》并由结他手阿花@带菌者伴奏。取景在尖沙咀，因为尖沙咀街头曾经也是她唱歌的舞台。“其实我以前有一段时间每个星期五及星期六，都会喺旺区行人专用区幪面busking。不过有时都会因为土地问题而过嚟尖沙咀近码头呢一边。所以尖沙咀对我嚟讲系一个有意义嘅地方。”龙小菌说。摄影：谢浩然

龙小菌初初以“幪面歌手”身份唱歌，这造型概念原来是源自于音乐盒：“当初我‘幪面’嘅时候我系未有经理人，当时嘅我只系一个教师。我纯粹想放我唱嘅歌上网畀人听而我又唔想出样，唔想影响我当时嘅工作。后来我想喺街到唱歌，因为见到好多人都busking自己羊群心态所以好想试试，于是我同我朋友阿Dean（现时为经理人：邵子风）讲，可唔可以帮我做一个人造音乐盒俾我唱歌，我讲紧嘅人造音乐盒系一个黑色嘅箱，而出面有个喇叭𠮶种。后来因为考虑到重量运输等问题所以打消呢个念头变成一个面罩，一套衫。”

除了因为当时的职业令到龙小菌选择幪脸唱歌外，其实她也曾试过体重超过二百磅，自觉自己又肥又丑，被人评头品足。这也是她当时选择成为一位“幪面歌手”的原因之一，不过现在的她似乎想法也改变了：“入行后有好多前辈同我讲做得artist紧系瘦啲上镜啲，我当然系认同啦。但系近年我见开始唔同，我见到一啲好有个性，或者身型上唔一定系瘦嘅artist都有好多工作机会，所以我觉得其实一切都系机遇。我觉得而家做artist唔一定要改变自己身型，样貌，只眼变大啲。有时就算你天仙咁靓都未必有job。”

曾经有网民质疑幪面歌手只是一个成为歌手的宣传套路，对此小菌表示：“有好多人会觉得我幪面系一个宣传策略，又有人会认为一切带面罩除面罩都系为揾钱，但我绝对唔认同，其实幪面只系一个需要。我其实做呢行无乜揾过钱，要揾钱方法有好多，你想揾钱唔做呢一行啦。”

小菌曾因带面罩唱歌而得到不少人关注，不过当她揭开面罩后关注度相对减少：“我认同我揭开面罩后系少咗人关注，其实我唔系好介意。当时我喺工作上转紧型。由唱二次创作转为唱原创作品。我明白到唱二次创唱嘅时候真系比较多人会听，因为呢啲歌曲本身大家已经听过，然后我再加啲搞笑嘅词讽刺时弊，多人听系正常。但后来我开始做自己嘅创作，开始无咁多人听。我明白到做原创歌曲系比二次创作辛苦，但正因为难我更加要去挑战。”

“我谂有好多人会疑惑究竟龙小菌靠乜嘢维生，点解佢死极都死唔去嘅呢？其实我闲时有创作一啲广告歌，亦有帮幼稚园写一啲音乐教材。我一共要写八十首歌，咁而家依经写完一半。其实我龙小菌食嘢唔多但人就生得好大只。其实我想讲如果每个人只要学识知足，其实要生活唔难。”龙小菌说。

龙小菌由2012年入行成为歌手至今5年的时间，曾推出两张专辑，要数对上一张专辑已是3年前的事，在这段时间龙小菌除了有拍摄电视台打拳真人骚节目外，她完成了硕士学位课程：“喺屋企人眼中有高嘅学历系一种荣誉。坦白讲我妈咪系唔识字，佢都近依一两年先有小学毕业程度。对佢嚟讲佢嘅梦想可能就系有大学毕业嘅程度。当我谂起佢由一个完全唔识字嘅人佢都会好鼓起勇气去读书，所以读书呢样我读到几多，我点都会读落去。”

龙小菌续说：“呢几年我除咗读书，仲有走去做拳手，参加ViuTV节目《G-1格斗会》。本身我觉得呢个节目已经好有挑战性，加上我仲可以为呢个节目唱主题曲《硬仗》，所以都系开心嘅事。《硬仗》系由我队Band‘带菌者’一齐创作，所以呢首歌亦系‘带菌者’比较多人认识嘅作品。其实呢个时代做歌手好难，就算我而家摆我啲歌上电视台播，都未必有人睇电视，所以做音乐真系唔容易。广东歌喺每个时代都会有经典，我好希望我可以有自己嘅经典。”

龙小菌唱出由她乐队“带菌者”创作的作品《继续追》（点撃以下影片收看）