【专访】监制兼任幕前演出为乜？　AlexFung：咁样撞出嚟会有火花

Alex Fung冯翰铭这个名字相信大家会听过，与不同天王天后合作过，甚至在不同颁奖礼上都听到歌手们说：“多谢Alex Fung！”毕业于Berklee College of Music的Alex Fung实力不容置疑，除此之外还有甚么因素令Alex Fung成为天王天后心目中的信心保证呢？
摄影：梁碧玲

早前Alex Fung与Kary吴雨霏合作推出歌曲《Come With Me》，歌曲是比较Groovy的EDM(Electronic Dance Music)，相对“易入口”而非大家刻板印象中的“夜场歌”。到底这次合作如何促成？

Alex Fung笑言与Kary“臭味相投”：“其实我识咗Kary好耐，大家都‘臭味相投’好耐，想做一啲唔一样嘅音乐，想将我哋钟意嘅音乐带俾大家听。我近一、两年好迷一啲好有旋律性嘅EDM。例如……某一啲嘅ChainSmokers系OK嘅，唔好Judge呀！哈哈！”

Alex Fung又讲到：“其实两年前我哋已经开始咗第一只歌，类似FKA twigs一啲再癫啲、怪啲嘅电子嘢，但系Kary话自己两年冇出歌，想出一只自己又‘Un’到，大家又听得明白嘅歌，跟住就有大家听到嘅《Come With Me》。”Alex Fung又形容今次制作班底是“international合作”，他所占的作曲部份不多，编曲请到本地音乐人Kiri T.，而且请到来自L.A.及芬兰的音乐人一同合作，为乐迷带来香港不常听到的声音。

在《Come With Me》中，Alex Fung作featuring加入自己的人声唱埋一份，而且以往亦曾作不同的幕前的演出，例如与容祖儿合作开骚，是否希望如Pharrell Williams、Neil Rogers幕前演出与监制并行？

Alex Fung谦虚说：“千祈唔好！同佢哋相比只有被插嘅下场㗎啫！其实冇谂咁多，只系写呢首歌嘅时候有一把男声，而且觉得同Kary把声几夹所以试下。其实Producer会feature全世界都好common，例如：Dr. Dre会feature Eminem。”

Alex Fung又讲到：“其实咁样好好玩，今次系Kary同我嘅小小结晶品，而唔净系帮一个歌手做歌，唔需要净系迎合一个歌手，做一套净系啱佢着嘅衫。咁样撞出嚟会有火花，亦系大家追求紧嘅新鲜感。”Alex Fung讲到监制落手落脚“玩埋一份”是好事，大家会“踢自己多一脚”，因为自己背负着一个标签，希望大家看到Alex Fung这个名字会想起“用心做音乐，并且将不同音乐类型介绍给大家”。

身为监制，又曾与不同有份量的歌手合作，Alex Fung会否有一些“怪癖”或者遇过甚么趣事？Alex Fung笑言自己是一个喜欢歌手走音的监制，因为这是“人声”这样乐器的可贵之处，而且是感受到情绪的自然流露。

Alex Fung表示：“每一个歌手都会介意自己走音，但系我系好钟意Artist走音走得好听嘅！好似Ivana王菀之，佢系走音走得好好听嘅，但佢会好介意觉得‘大佬我摆落只碟到成世㗎㖞’；克勤又会话‘帮我tune下佢啦’，但系我觉得唔tune系冇咁‘CD勤’嘅！都明嘅，哈哈！”

虽然有时要在这些细节争持不下，甚至会“火滚”，不过Alex Fung笑言自己又也妥协：“有时我mix咗十几个钟，到交俾唱片公司𠮶阵，佢哋话要改𠮶阵真系会火滚，不过好似王菀之有Perfect Pitch(绝对音准)，佢听到自己走音会起晒鸡皮，咁𠮶啲我就会妥协，哈哈！”

‘坚持唔Tune’未必每位歌手都接受到，但Alex Fung坚持是有原因的：“我好钟意Live Performance，现场音乐系正嘅！而Live系永远冇可能Perfect，但系永远都有走音得极好听嘅人，好似Coldplay嘅Chris Martin、Radiohead的Thom Yorke，佢哋系冇一粒音唔走咁滞，但系真系好好听！点解我哋仲要唱歌？就系因为𠮶种人性系冇一种乐器可以替代，其实用电脑tune番啱音系好简单嘅事。走音就系‘人声’呢样乐器嘅精髓之一！系最用钱买唔到！”Alex Fung亦表示感恩歌手们的信任，而且曾合作过的歌手好像“合作了半世”一样，所以大家互相非常了解。

由2001年入行至今，Alex Fung对Canto-Pop也有一些感慨：“你使唔使交租吖？我要交好多租呀！同埋香港真系地方太细，太少空间，有啲live house都俾人冚，想揾个自由啲嘅场去唱自己嘢都唔容易。所以希望各路英雄俾下面，俾多啲空间我哋去做好嘅音乐！”

Alex Fung又谈到很多网民认为广东歌“冇嘢好听”，转而听K-Pop，他对这现象有感而发：“有时我好好奇，网民闹Canto-Pop冇嘢好听，其实K-Pop都系将Pop加啲Trap加啲EDM再用韩文唱出嚟，但系佢哋真系好团结，政府又投放好多资源，支持流行音乐产业，所以令你觉得K-Pop系一种Style。所以我郑重呼吁，希望大家啲支持番本地嘅音乐，我哋好需要大家支持，好想大家一齐听，令更多好嘅本地创作出嚟。而且广东话、广东歌，中文唔系你考DSE先至去读嘅嘢，而应该系一种你钟意，你会Follow嘅一样嘢，咁样流行文化先可以承传。”

Alex Fung Credits：
Make up：Elaw Wong@thelook-studio.com
Hair：Niki Lee@Headquarters salon